ЕК нема да се меша во дебатата за забраната на Буркини
Објавено во: Свет 25 Август, 2016
Европската комисија нема намера да се меша во дебатата за забраната на муслиманските плажни костуми така наречени Буркина и го смета тоа за национално прашање, изјави за медиуми во Брисел портпаролот на институцијата Александар Винтерштаин, цитиран од агенциите.
Европската комисија не е надлежна да донесува закони на оваа тема, истакна Винтерштаин.
Секоја земја од ЕУ треба да донесе свое решение кое може да биде оспорено пред националните судови или пред Европскиот суд за човекови права, додаде тој.
На 19 август беше објавено дека општината на Ница издаде наредба, со која се забранува жени со Буркини да ги користат плажите.
Претходно францускиот политичар Кристијан Естрози, долгогодишен градоначалник на Ница, а сега прв заменик-градоначалник, испрати писмо до францускиот премиер Мануел Валцер со барање за воведување на слична забрана.
Според Естрози Банско Буркините "не одговараат на нормите и идеалите на француското општество".
Естрози ги поддржа и градоначалниците на 10 француски градови во кои веќе се воведени слични забрани. Меѓу нив се големи туристички центри како Кан и Сен-Жан-Кап-Феран.