ЕК: Несоодветна заштита на границите причина за рекорден број илегални премини во Европа
Објавено во: Балкан 14 Декември, 2015
Рекорден број илегални премини на границата на Европската унија се регистрирани во 2015 година. Во периодот од јануари до ноември границите се нарушени 1,28 милиони пати соопштија од Европската комисија.
"Ова е рекорд за целото постоење на ЕУ", се вели во документот "За заштита на европските граници и брегови и ефикасно управување на надворешните граници на ЕУ", кој ќе биде официјално претставен утре.
За споредба во документот се истакнува дека за целиот период од 2009 до 2014 година се регистрирани 813 000 илегални премини.
Европската комисија остро го критикуваше обезбедувањето на надворешните граници на ЕУ, што е апсолутно неадекватно. Во документот се наведува дека "граѓаните на трети страни можат илегално да ги преминат надворешните граници на ЕУ и да продолжат да се предвижуваат по територијата без претходна идентификација, регистрација и безбедносна проверка" и тоа го става под прашање "интегритетот на таканаречената шенгенска зона ".
Во документот се повикува на итна акција.
"Европа има потреба од силна и цврста политика при обезбедувањето на надворешните граници на ЕУ, заснована врз принципот на заедничка одговорност", се вели уште во него.