Добивај вести на Viber
„Субрата Рој“, „Фискална во рака - награда без мака“ се дел од највпечатливите маски на овогодинешното дефиле на Вевчанскиот карневал. Странските инвестиции, невработеноста, парите - темите кои секојдневно го мачат македонскиот граѓанин си најдоа место и во карневалската сатира.
Така, и владиниот проект за бесплатно скијање на пензионерите во Вевчани доби наслов „Скрши кичма - проект на Владата на Р.М“.
„Маските ги отсликуваат секојдневните настани, личности и ликови нешто што навистина ќе не насмее и тука не смееме да се лутиме туку тоа да го гледаме како хумор“, истакна министерката за култура Елизабета Канчевска Милевска.
Во карневалскиот дух, стражарите пред Вевчани за влез во селото бараат „такса“ или „царина“, а нудат и вевчански пасош по цена од 100 денари.
Оваа година карневалот има околу 20 илјади посетители од цела држава и од странство, а од година во година вевчанскиот хумор и сатира се претвора и во туристичка атракција со специфичен печат.
Фотографии:
курир.мк