Економските ресори на готовс: Можни мерки за спас на економијата
Објавено во: Економија 12 Март, 2020
Економските ресори на Владата будно ја следат состојбата во економијата и стопанството преку домашните економски и финансиски институции, Светската банка и други и врз основа на направените анализи доколку е потребно ќе се пристапи кон воведување на соодветни мерки.
Ова е еден од заклучоците на Владата по вчерашаната седница на која беа усвоени и дополнителни препораки за заштита од ширењето на корона вирусот Ковид 19. Светската здравствена организација прогласи вчера пандемија од вирусот во светот, а во Макеоднија веќе деветмина се заболени. Поради низата мерки дома, па прекинувањето на некои економски канали со погодените земји надвор како Кина и најмногу Италија, веќе трпи домашната економија.
Бизнисмените вчера побараа Владата да им помогне на фирмите одвојување средства од Буџетот, привремено ослободување или одложување на плаќањата на даночните обврски или преку поволни кредитни линии и можности за репрограмирање на обврските кои би ги овозможиле институциите и банките.
„Не треба да се дозволи компаниите да не можат да ги остварат планираните активности особено оние кои имаат производни процеси поврзани со извоз во земји кои ни се традиционални трговски партнери“, рече Данела Арсовска, претседател на Сојуз на стопански комори.
Слични мерки донесе и италијанската Влада па таму фирмите добија низа олеснувања. Фактор вчера пишуваше дека во земјава носењето на некои вакви стимулации во моментов ќе биде онезвозможено поради тоа што сите законски измени се носат во Собрание, а парламентот во моментов е нефункционален.
А.Т.
Прочитајте и какви последици трпи чевларската индустрија: Се се стопирано - Блокадата на Италија крах за македонската чевларска индустрија.
Туристичките агенции рекоа дека трпат огромни последици од кризата и корона вирусот. Читајте овде