ЕКС-ДИРЕКТОРОТ НА ТАЈНАТА ПОЛИЦИЈА ИЗЛЕГУВА ОД ПРИТВОР - судот ја прифати гаранцијата од 11 милиони евра
Објавено во: Македонија 22 Декември, 2021
Апелацискиот суд во Скопје ја прифати гаранцијата од 11.106.501 евро со што поранешниот директор на УБК, Сашо Мијалков, излегува од притвор.
Како што потврдија за МИА од Апелацискиот суд, Мијалков ќе излезе од притвор откако ќе биде приложена финансиската гаранција со која мерката притвор се преиначува во мерки за претпазливост, односно одземање на пасошот и обврска да се јавува во судот.
Гаранцијата над 11 милиони евра се состои и во недвижен и во подвижен имот, а Мијалков треба да излезе од притвор кога ќе завршат административните процедури со ставање под хипотека на имотот што е понуден како гаранција дека нема да избега.
Мијалков издржува мерка притвор во предметот „Трезор“, каде е неправосилно осуден на осум години затвор.
Тој има првостепена пресуда и во случајот „Таргет – Тврдина“ со која е осуден на 12 години затвор, а обвинет е и во случаите „Плацови на Водно“ и „Титаник 2“, а осомничен е и во предметот „Империја“. Во „Тортура“, пак, доби ослободителна пресуда.
Сашо Мијалков се наоѓа во затворот во Шуто Оризари од 26 февруари годинава, откако претходно неколку дена беше во куќен притвор.
Можеби ќе ве интересира
БРАЗИЛЕЦ САКАЛ ДА ПРЕНЕСЕ ДВА КИЛОГРАМИ КОКАИН НА СКОПСКИОТ АЕРОДРОМ: МВР го уапси
„АЈДЕ БРЕ ЕУ, ЕДЕН ВЕТИНГ“: За Најчевска, Бугарија не заслужува да биде членка на ЕУ
ГОЛЕМА ЕКО АКЦИЈА НА РОТАРИ КЛУБ СКОПЈЕ ВАРДАР 245: Се чистеа паркинзите на патниот правец Гостивар - Стража
ЌЕРКАТА НА ИСЧЕЗНАТАТА ЛИДИЈА ЈА РАСПЛАКА МАКЕДОНИЈА, ОБЈАВИ ЕМОТИВНА ПОРАКА: „Душата моја, мајче моја, очите мои“
СКОПЈАНЕЦ МОЛИ ЗА ПОМОШ ДА СИ ГО НАЈДЕ ВОЗИЛОТО: Го возел неговиот татко, заборавил каде го паркирал!
„ДА БИДЕМЕ НА ЧИСТО, БОРЦИТЕ НА УЧК БЕА ТЕРОРИСТИ“: Најчевска вели во Владата тогаш имало претставници на албанска политичка партија
„СЕ ПЛАШАМ ДА ЈА СПОМНАМ, ТЕ МОЛАМ НЕ МЕ ПРАШУВАЈ“: Синдикалци од ЈСП, советничка од СДСМ и поранешен инспектор со сведоштва за тоа што трпеле од Арсовска
ПОДГОТВЕТЕ СЀ ЗА ТОА ШТО ДОПРВА ДОАЃА: Од денес температурите уште повеќе ќе опаѓаат
