Телефонски ќе проценуваме кој случај е итен: Др. Данчо Бизевски за новите протоколи во стоматологијата
Објавено во: Македонија, Стил 27 Мај, 2020
Во време на пандемијата поради опасноста од ширењето на вирусот Ковид-19, запре работата на стоматолозите. Работеа само за оние пациенти со итни интервенции, откако Министерството за здравство организираше дежурни пунктови. За опасноста и пренесувањето на вирусот преку усната шуплина и за состојбата на стоматолозите, за Женски магазин раскажа оралниот хирург, спец. др. Данчо Бизевски од специјализирана установа за хирургија на уста, вилица и заби „Нова Дентал Хирургија" од Скопје.
„Како и сите други непријатели кои ни доаѓаат од усната шуплина,повеќе или помалку опасни, Ковид 19 е нов, недоволно проучен непријател за кој треба доволно добро да се погрижиме, со цел како и досега да не ги доразболиме нашите пациенти и секако медицинскиот тим кои работи на нив, а тие пак од друга страна, своите семејства“, вели Бизевски.