Електронските рецепти создаваат главоболки кај пациентите, но и кај докторите

Добивај вести на Viber

Голем дел од пациентите одат на специјалист со старите испечатени упати, бидејќи матичните лекари уште во целост не препишуваат електронски рецепти и упати.

Во повеќето ординации на матичните лекари можат да се забележат редици пред шалтерите бидејќи медицинските сестри не се снаоѓаат најдобро при електронското упатување и внесување на рецептите. Тоа создава дополнителна тензија и проблеми.

„Забележана е и појава кога пациентите не го почитуваат закажаниот термин, па иако не се итни случаи се јавуваат на преглед уште веднаш, не го чекаат терминот. Сеуште има и грешки и нејаснотии во врска со генеричките имиња на лековите, по што електронскиот рецепт неможе да се реализира. Матичните лакари од незнаење ги бараат лековите по состав и по редослед и компјутерот не им го креира рецептот изјави Милан Аризанкоски проект менаџер во Националниот сервис „Мој термин“.

Од таму потенцираат дека лекарите веќе се вклопуваат и се повеќе го користат овој систем, а со тоа се зголемува боројот на електронски рецепти и упати. Само во јули биле издадени над 1 милион електронски рецепти, а во привите шест дена од август 302 126 вакви рецепти. Најмногу рецепти биле препишувани на хроничните болни, дури 91 процент. .

Најмногу е-рецепти им биле препишувани на старите луѓе на возраст од 60 до 80 години, на нив отпаѓаат 54 проценти од вкупниот број на издадени рецепти. Како и вообичаено ова е популацијата која најмногу оди на лекар.

Според последните статистички податоци, во просек 51 процент од креираните упати, пациентот ги користи истиот ден кога се издадени, додека само 20 посто од болните чекаат два до седум дена, истакна Аризанкоски и додаде дека за само една недела од почеток на месецот се издадени околу 300 000 електронски рецепти и повеќе од 64 000 електронски упати.

Надлежните за спроведување на елетронскиот здравствен систем „Мој термин“ велат дека бројот на издадени хартиени рецепти не изнесува повеќе од 1 процент.