Елем бара нови лежишта на јаглен; Каква е енергетската иднина на Македонија?
Објавено во: Македонија 17 Јануари, 2013 11:42
Зголемување, проширување и надградба на капацитети за производство на електрична енергија, но и оптимизацијата на производството се стратешките определби на менаџментот на АД ЕЛЕМ, вели Дејан Бошковски, генерален директор на АД „Електрани на Македонија“ во интервју за МИА.
„Наша цел е преку оптимизација да постигнеме минимално ниво на трошоци, но преку призмата на максимизација на продуктивноста и искористеноста на ресурсите. Само така ќе останеме на трасата на самоодржливост која е врвна цел. Ние ќе продолжиме да градиме капацитети и да ги зајакнуваме перформансите на оние објекти што веќе ги имаме на располагање. Тоа на долг рок ќе ја направи Република Македонија енергетски независна земја“, најавува Бошковски.Бошковски се надева дека за 10 години енергетската слика на Република Македонија ќе биде значително подобрена со нови извори на електрична енергија, а потсетува и дека последниве години се преземени огромни инвестиции во енергетски проекти, чии резултатите може да се очекуваат за четири до шест години.
АД ЕЛЕМ, нагласува тој, гледајќи во подалечна перспектива, продолжува и со активностите за активирање нови лежишта на јаглен со цел продолжување на животниот век на термоелектраните Битола и Осломеј.
„Во моментов, во рудникот Суводол засилено течат активности за целосно отворање за експлоатација на подинската јагленова серија. Се работи на ископ на усекот за отворање на рудникот и изградба на бунари за одводнување, проект во кој инвестиравме 2,5 милиони евра... За проектот за истражување на јагленовото наоѓалиште Живојно, АД ЕЛЕМ инвестира 2,8 милиони евра за геолошки и геотехнички доистражувања и испитувања. Станува збор за рудник од кој јагленот ќе се вади со примена на подземна технологија за експлоатација. Почетните проценки се дека геолошките резерви се околу 100 милиони тони јаглен. Сегашните проценки се дека во овој рудник, АД ЕЛЕМ ќе инвестира околу 100 милиони евра, а реализацијата би започнала по изработката на Главниот рударски проект“, вели Бошковски.
Тој истакна дека е во тек и изработката на Главен рударски проект за отворање рудник за јаглен со подземна експлоатација во Мариово.
„Во текот на 2010 и на 2011 година се завршени деталните геолошки истражувања и започнавме со изработка на проект за отворање рудник и експлоатација. Експлоатациските резерви се проценети на 62 милиони тони. Изработката на главниот проект е во завршна фаза, а како идна активност ќе следи и изготвување на физибилити студија за изградба на нова термоелектрана од 250-300 мегавати. Заедничката вредност на целиот зафат иницијално е проценета на околу 400 до 450 милиони евра“, изјавува Бошковски за МИА.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
КРИВИЧНА ПРИЈАВА ЗА ДИРЕКТОРКА НА СРЕДНО УЧИЛИШТЕ ОД ДЕЛЧЕВО - МВР ја товари за „фалсификуван тест за англиски“
ЕУ ДА ИЗВРШИ ПРИТИСОК ВРЗ ТИЕ ШТО ГО БЛОКИРААТ ПРОЦЕОТ НА ПРОШИРУВАЊЕ: Николоски - Македонија одамна засужила да ги почне преговорите
САД го прошируваат списокот на земји на чии граѓани им се забранува влез
„БЕДА НА БАТЕРИИ“: Дуковски го нарече Фрчкоски политички шанер и блефер
КАКО ЌЕ КАЗНУВА ПОЛИЦИЈАТА СПОРЕД СЕЈФ СИТИ? Имате „шанса за помилување“ само ако се борите за живот
„ДО КАЈ СИ СО КИТЕЊЕТО?“Клучна реченица која го одразува владеењето на ВМРО ДПМНЕ, вели Фрчковски
„ЗАЕВ ЈА ФИНАНСИРА ВОЈНАТА ВО УКРАИНА“: Груевски со шокантни обвинувања до екс премиерот на Македонија
(ВИДЕО) ЈОРДАНОВ СЕ ПОФАЛИ: Еве како новогодишно го украси Штип
УТРЕ ДА ГИ ВНЕСЕМЕ БУГАРИТЕ ВО УСТАВ, ПРАШАЊЕ Е ДАЛИ ЗА 3,6 ИЛИ 9 МЕСЕЦИ ЌЕ ИМАМЕ НОВ УСЛОВ: Мицкоски за уставните измени
