ЕМОТИВНИ СЦЕНИ ПО ШЕСТ МЕСЕЦИ АГОНИЈА - Осуммината Хрвати заедно со своите деца ја напуштаат Замбија

Добивај вести на Viber

Осумте ослободени хрватски државјани, заминуваат од Замбија заедно со своите посвоени деца. 

Тие поминаа точно шест месеци во Замбија, и во притвор и на слобода, но без можност да ја напуштат земјата. На првиот ден од декември тие отпатуваа за Виена од каде полетаа за Замбија. Вчера, првиот ден од јуни, тие беа ослободени.

Хрватскиот амбасадор во Египет, Томислав Бошњак рече дека на овие хрватски граѓани им се случија немили настани, па амбасадата ќе се погрижи тие нејаснотии што постоеја до сега со закони и правила, да се разрешат на билатерални средби, за да не се повторат. 

„Тоа беше тест за сите нас“, рече амбасадорот Бошњак.

На прашањето каква била средбата меѓу родителите и децата, тој вели: „Беше апсолутно емотивна. Секој треба да запомни дека мајките и татковците не ги виделе своите деца 6 месеци, освен минатиот петок. После 6 месеци овие деца им ги пружаат своите раце и се радуваат. Секој може да има тврдо срце, но таквата сцена ги омекнува и најтешките.

Случајот го коментираше и хрватската адвокатка на уапсениот пар Сандра Марковиќ.

„Сега веќе не мораме да коментираме правно. Ова е човечки осврт, сите сме воодушевени. Сè уште го чекаме овој последен чекор за тие всушност да слетаат на хрватска почва за да бидеме среќни и да видиме дека оваа агонија конечно е готова“, изјави Сандра Марковиќ за ХРТ.

Премиерот Андреј Пленковиќ го коментираше случајот.

„И пред и после седницата на Владата бев во контакт со амбасадорот Бошњак. Хрватската влада и дипломатијата ја пружија сета конзуларна помош и заштита во оваа ситуација која трае веќе шест месеци. Во текот на утрото беше спроведена управната постапка. Задоволни сме што ситуацијата заврши на овој начин“, рече тој.

Фото: Принтскрин