Епл ја напушта Кина, враќа во САД дел од компјутерското производство

Добивај вести на Viber

Следната година компанијата Епл делумно ќе врати во САД дел од производството на компјутерите „Мек“ од Кина, објави генералниот директор на компанијата Тим Кук во интервју за „BusinessWeek“. „Ние навистина се гордееме со тоа. Тоа не значи дека Епл ќе го врати целото производство од Кина, но ние ќе работиме и ќе влегуват пари на територијата на САД“, изјави Тим Кук. Според него, во овој проект компанијата ќе инвестира 100 милиони долари. Во друго интервју за телевизијата „NBC“ Кук истакна дека компанијата не може целосно да го врати целосно своето производство во САД бидејки како пречка за тоа е бил и недостигот од квалификувани кадри. Минатата недела некои купувачи на новите модели „iMac“ на компјутерите имаа натпис „Assembled in USA“ (склопено во САД), пренесоа западните медиуми. Предходно овој натпис се ставаше само на компјутери правени по специјална нарачка. До крајот на 90-тите години Епл произведуваше поголеми дел од продукцијата на територијата на САД, но подоцна го изнесе производството во Азија поради пониските трошоци, потсетуваат медиумите. За компанијата, чија централа се наоѓа во Купертино, Калифорнија, работат 60 400 луѓе.