Ердоган прогласи тримесечна вонредна состојба по обидот за пуч
Објавено во: Балкан 21 Јули, 2016
Претседателот на Турција, Реџеп Таип Ердоган синоќа прогласи тримесечна вонредна состојба во земјата по обидот за државен удар кој се случи минатата недела.
Тој на прес - конференција по завршувањето на седницата на владата во Анкара рече дека вонредната состојба не е против демократијата, владеењето на правото и слободите. Според него, станува збор за неопходен чекор за што поскорашно отстранување на заканите.
„Како врховен командант ќе се погрижам да бидат исчистени сите вируси во оружените сили“- кажа Ердоган.
Вели дека ќе делува за да го отстрани „вирусот“ во војската. Напнатоста во земјата е голема.
Ердоган рече дека европските земји немаат право да ја критикуваат одлуката за вонредна состојба. Напомена дека е можно некои земји да се вмешани во обидот за државен удар.
Ердоган додаде дека нацијата е во состојба сама да ја одредува својата судбина и има моќ да ја застапува, а прогласената вонредна состојба е единствено поради терористичката закана.
Тој ја прогласи вонредната состојба за период од 3 месеци, меѓутоа нема да го спречи демнењето по плоштадите под логото „бранители на демократијата”, а според него нивните имиња треба да се запишат со златни букви во историјата.
Тој рече дека и покрај вонредната состојба нема да има никаков компромис на штета на демократијата.
Можеби ќе ве интересира
Поради Рамштајн цените за сместување во Белград отидоа до небо! Ноќевање на некои места достигнува и до 80 000 динари, ден по концертот истите едвај се 5000
АТЕНТАТОРОТ ГОРД НА СВОЈОТ ЧИН: Поетот кој пукаше во премиерот на Словачка изведен пред суд
Мицотакис со уште една порака до Новата Влада за името Северна Македонија: Еве што порача
„Поминавме седум километри за еден час“: Ако патувате кон Халкидики-подгответе се за хаос + еве како да го избегнете сообраќајниот колапс
(ФОТО) Како изгледала евакуацијата на патниците од возовите кои се судрија во тунелот
СЕ СУДРИЈА ВОЗОВИ ВО БЕЛГРАД: Повредените се на длабочина од 400 метри во тунелот
ТИРАНА ГО ПОВИКА СРПСКИОТ АМБАСАДОР НА РАЗГОВОР: Ги налути изјавата на Вулин дека Србите можат да ја спречат Голема Албанија
УЧЕНИЦИТЕ БЕГАА ОД СТРАВ: директорката на училиштето за хаосот кој настана откако полуматуранти запалиле факел
