Ердоган се закани: Турција ќе најде други добавувачи на енергенси

Добивај вести на Viber

Турскиот претседател Реџеп Ердоган изјавил дека неговата земја ќе најде други добавувачи на енергенси освен Русија.

Можно е да се најдат други добавувачи, изјавил Ердоган во телевизискиот говор, имајќи предвид за Азербејџан и Катар. Тој увери денеска дека засега нема никаков знак овие репресивни мерки дека ќе ја засегнат енергетиката, но потврди дека во текот на неделата потпишал со Катар договор за испорака на течен гас. Во однос на запрениот проект „Турски поток“, Ердоган изјавил дека самите Турци го прецртале пред некое време, бидејќи Москва не одговорила на барањата на Анкара.

На 24 ноември турските воздухопловни сили соборија руски борбен авион „Су-24“ во небото над Сирија. Овие акции на Анкара за кои презеде одговорноста самиот премиер Ахмет Давутоглу, нагло ги влошија односите помеѓу двете земји.

На крајот на минатата недела Русија воведе санкции кои влијаат на увоз на овошје и зеленчук, градежниот сектор и патувањата на руски државјани на одмор во Турција. Во исто време се појавија информации кои сеуште не се потврдени официјално дека турските власти го одложуваат патувањето на руски бродови преку Босфорот, од каде се остварува голем дел од извозот на руската нафта.

На 3 декември рускиот министер за енергетика Александар Новак најавил дека Москва го прекинува проектот за гасоводот „Турски поток“. Тој предвидуваше да се испорачува руски природен гас директно за Турција, за да се заобиколи т.н. западен пат преку Украина и Бугарија. Москва планираше да се откаже од него во 2019 година.

Турција е вториот по големина пазар за извоз на рускиот гасен гигант „Газпром“ по Германија. Анкара задоволува речиси 60% од своите потреби за сметка на рускиот увоз. Освен од Бугарија таа добива руски гас и од „Син поток“.

Турција, исто така, увезува „сино гориво“ од Азербејџан. Тоа може да се потпре дополнително на 6 милијарди кубни метри гас од вториот дел на „Шах Дениз 2“ најрано во 2019 година, па дури и да се забрза работата на гасоводот „ТАНАП“ и тој да биде изграден порано од предвиденото и по него да потече азерски гас.

Турција увезува мали количини на гас и од Иран, но речиси секоја зима поради недостаток на доволни количини „сино гориво“ Техеран е принуден да го запира извозот. Недостатокот Анкара секогаш го покривала за сметка на зголемената потрошувачка на руски гас. Москва никогаш порано не ја одбивала Турција да им ги продаде потребните количини. Турција, исто така, може да увезува течен гас од Катар во терминалите за „ТПГ“.

Најголемиот проблем со кој Турција допрва ќе се соочи, е поврзан со сложената геополитичка ситуација на Блискиот Исток и особено на обновениот конфликт со Курдите. Предвесник за него стана нападот од крајот на август оваа година. Тогаш непознати борци го разнеле гасоводот „Баку-Тбилиси-Ерзерум“ од кој Анкара добива азерски гас. Инцидентот покажа колку несигурни се испораките на природен гас од регионот на Каспиското Море. Нешто повеќе овој нафтовод е главниот и единствениот на кој Азербејџан може да го испорачува своето „сино гориво“.

Покрај тоа голем купувач на руски јаглеводороди Турција и Русија се договорија за изградба на 4 нуклеарни реактори. Во моментов проектот АЕЦ „Акјују“, кој се спроведува од „Росатом“, не е запрен. Тој е во вредност до 20 милијарди долари.