Есад Рахиќ: Шестмина полицајци се во карантин откако почина притвореникот
Објавено во: Македонија 14 Април, 2020
Есад Рахиќ, директорот на казнено-поправниот затвор во Шуто Оризари, во емисијата „Утрински брифинг“ рече дека единствено шест затворски чувари се во карантин откако тие биле во контакт со починатиот притвореник, инаку еден од неодамна уапсените од Ресен за лажно продавање на јаболка на странски фирми.
- Кај оние кои контактирале со починатото лице заразено од коронавирусот се шестмина полицајци и тие се во карантин по непосреден контакт со лицето. Но, паниката беше предизвикана од една друга причина. Слушнале одредени влади дека пуштале лица дома и оттаму и овде барањата. Набавени се брзи тестови, 25 притворени лица се тестирани и кај ниеден нема позитивен тест, рече првиот човек на скопскиот притвор..
Според него, интензивните барања на притворениците да бидат ослободени поради вонредната ситуација не се темелат на смртта во установата, туку поради, како што вели тој, информациите дека некои влади ги пуштиле лицата кои се под истрага во домашен притвор. На 18.март со директорот на Управата за санкции разговарале да бидат пуштени во домашен притвор одредени лица со полесни казни кои ги исполнуваат условите.
- Одреден дел на притворени луѓе можат да бидат пуштени затоа што седат внатре, а обвинети се за престапни прекршоци. На некои од нив завршена им е истрагата и очекуваме од Владата да излезе во пресрет да се релаксира состојбата, додава Рахиќ