ЕУ го отвора патот кон членство на Косово и Србија

Добивај вести на Viber

Европската унија ќе потпише договор со Косово следната недела, со што ќе го отвори патот за пристапувањето на оваа балканска земја кон блокот и ќе ја привлече Србија поблиску до Заедницата.

Белград од своја страна нема да ја признае независноста на Косово. Тоа го изјавија властите во земјата по низата јавни дебати што се одржале во Србија. Токму односите со Косово се проблем во разговорите на Србија за влез во Европската унија.

Европската унија го постави прашањето за признавањето на Косово како дел од преговорите за усвојување на Србија како членка на Заедницата. Иако имаше многу шпекулации за тоа дали ќе има пресврт во стратешките приоритети на Белград или ќе бидат објавени предвремени парламентарни избори, ништо ново не се случи.

Во почетокот на октомври се појавија информации во печатот дека ЕУ преговара за глава 35 од преговорите за членство во Заедницата. Глава 35 е поврзана со односите со Косово.

Следеа жестоки реакции на високите државни службеници, кои тврдеа дека членството во ЕУ не престанало да биде од витално значење за Србија. Сепак Белград планира да ги спроведе сите обврски кои ги презеде кон Косово.