20 Мај, 2018
0.3677
    ALK 8098.79    0.29%     BESK 7738.39    -2.05%     GRNT 743.11    -1.78%     KMB 4373.93    0.64%     MKSD 204    9.68%     MPT 30016.78    0.05%     MTUR 4100    -0.41%     OHB 6498.44    0.11%     PPIV 44500    0%     RMDEN16 95.5    0.42%     RZLE 14    0%     RZLV 44    0%     RZUS 124.82    -0.94%     STB 1022.5    -0.26%     STBP 1102.85    0.07%     STIL 132.97    3.31%     TEL 270    -1.46%     TNB 13718    3%     TPLF 1573.88    -1.18%     TTK 860    -1.23%     UNI 2420.09    2.55%     ZILU 238    8.18%

ЕУфорија во Македонија - Дали Грција ќе ни го расипе славјето?

Објавено во: Колумни 19 Април, 2018

Посетите на важните европски политичари комесарот за проширување Јоханес Хан и високата претставничка на ЕУ за надворешна политика Федерика Могерина го означија врвот на ЕУфоријата која ја зафати македонската влада, како и сите симпатизери и поддржувачи на премиерот Заев. По подолго време, Македонија од Европската комисија добива препорака за стартување на преговорите за членство во Европската Унија без никакви политички услови, што е сосема јасен знак дека политичката криза барем во интензитетот е веќе надмината, реформите со законските измени се започнати, намален е притисокот врз медиумите и јавноста и земјата е на подобар пат за зајакнување на демократските процеси.

Сепак, во вакви моменти треба да се биде многу претпазлив и внимателен бидејќи оваа ЕУфорија нема да трае многу долго и наскоро ќе се соочиме со суровата реалност дека извештајот на ЕК служи само како мал показател каков е напредокот на Македонија под европски мониторинг за една година, а не е гарантиран документ кој ќе ни ги обезбеди директните преговори за членство во унијата поради грчката блокада која се уште е активна.

Да, треба да се согледаат позитивните страни кои ги направи владата на Заев, но и да се погледнат сите забелешки нотирани во самиот позитивен извештај за заостанувањето во одредени поглавја каде речиси и да нема никаков напредок освен што е донесена регулатива која правно е во согласност со европските директиви. 

Се што ние имаме на хартија, мора да почне да се спроведува и во реалноста, во секојдневното функционирање на институциите од наједноставните задачи до долгорочните заложби за реализирање на битните оперативни стратешки цели, па се до непоколебливата политичка волја да функцинираме како нормална европска демократска држава, а не некоја африканска банана република со дивјачко рушење на уставот, нормите и достоинството, разграбање на државните ресурси и мафијашко контролирање на народот и медиумите

И во минатото добивавме чисти препораки за отпочнување на преговори, ја имавме истата еуфорија, владата се фалеше дека во годината направила голем прогрес и тоа спласнуваше по неколку дена кога беше јасно дека во Европскиот совет на премиери и шефови на држави како и на министри за надворешни работи на ЕУ, Грција ќе ја активира својата блокада и повторно заглавувавме во место без никакво поместување на европските интеграции кои се заглавени веќе 7 години. 

Целата дипломатска активност, секоја можност на премиерот Заев, на првиот дипломат Димитров, како и на секој македонски министер или функционер, мора да се материјализира во добивање на поддршка од ЕУ за достоинствено решение на спроот за името со Грција наместо како досега да се креваат раменици и европските политичари да ни велат вие самите како знаете решете си го спорот. 

Проблемот сосема јасно е дека не на македонска страна, уште помалку кај оваа влада на Заев која ги направи сите можни гаранции кон Грција дека ќе се посвети на наоѓање решение и остранување на било какви грчки сомнежи за иредентизам, но досега не видовме поголема подготвеност кај нив да прифатат компромис кој на крајот на денот нив ништо нема да ги „кошта“ напротив со сите македонски отстапки досега тие се секако победници во ова дипломатско заложништво во кое ја држат Македонија со децении. 

Автор: Христијан Станоевиќ

Можеби ќе ве интересира

Малку по малку, колку да не боли, се до балчак

Малку по малку, колку да не боли, се до балчак

„Американската држава Македонија“

„Американската држава Македонија“

ДКСК-форма без суштина и без персонални решенија - до кога ?!

ДКСК-форма без суштина и без персонални решенија - до кога ?!

СТРУКТУРА НА ИЗВОЗОТ И УВОЗОТ НА ЗЕМЈОДЕЛСТВОТО

СТРУКТУРА НА ИЗВОЗОТ И УВОЗОТ НА ЗЕМЈОДЕЛСТВОТО

Путин 4.0

Путин 4.0