Германија тоне во најлошата криза од 1945 година, индустријата се соочува со проблеми
Објавено во: Економија 05 Декември, 2025 19:45
Германија минува низ најлошата индустриска криза од крајот на Втората светска војна, а нејзиниот долго фален модел на раст предводен од извоз, познат како „трговско чудо“, брзо се урива.
Францускиот економски коментатор Никола Дозе оценува дека „сè што ја движеше германската машина запре“ и заклучува дека Берлин денес ја плаќа цената на „модел кој повеќе не функционира“.
Податоците пренесени од францускиот LCI и Германската индустриска федерација (BDI) го покажуваат обемот на распадот во индустрискиот сектор на земјата што беше моторот на европската економија со децении.
Според BDI, индустриското производство во Германија падна четврта година по ред, надминувајќи ја длабочината на рецесијата од 2008 година, како и шокот од пандемијата во 2020 година. Федерацијата отворено зборува за „економија во слободен пад“, предупредувајќи дека неповолниот тренд станал структурен, а не привремен.
Автомобилскиот сектор, традиционалниот столб на германската индустрија, претрпе најголем удар. Само за една година беа изгубени 49.000 работни места, што BDI го опишува како „социјално крварење“ во сектор кој вработува повеќе од милион луѓе.
Со оглед на тоа што Европа се приближува кон забрана на продажбата на автомобили со мотори со внатрешно согорување до 2035 година, германските производители се соочуваат со брутална конкуренција од кинеските електрични возила и батерии, пренесува Klix.ba.
foto freepik.com
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
Цената на кафето расте, но луѓето не се откажуваат од својот омилен напиток
Како да се одреди вистинската плата за новoто работно место?
Цени во најсеверната продавница во светот, поевтино е од САД
Хрвати се иселиле во Полска, тврдат дека земјата е драстично подобра од Хрватска
Обидот за увоз на берачи од Бангладеш и Пакистан не успеа во соседството
БДП СЕ ЗГОЛЕМИ ЗА 3.8 ОТСТО: Кои сектори се со најголем раст?
Среброто привлекува сè поголемо внимание од купувачите, eве зошто...
Димитриеска-Кочоска: Немам информација дека доцни породилното
