Еуромакс Ресурси најавува реализирање на инвестицијата по одлуката на вишиот управен суд

Добивај вести на Viber

- Со одлуките на двата управни суда во Република Северна Македонија се уважи нашето тужбено барање и се поништи решението на Државната комисија за одлучување во управна постапка и постапка од работен однос во втор степен, информира Еуромакс Ресурси.

Според пресудата, Министерство за економија, требало да ја сочека одлуката на Владата по барањето на Еуромакс Ресурцес за спојување на концесиите Иловица 6 и Иловица 11 поднесено уште на 29 јануари 2016 година и дури потоа да одлучува за барањето за издавање дозвола за експлоатација на минерална суровина, велат од компанијата која е предвидено да експлоатира бакар во Македонија.

Извршниот претседавач на Бордот на директори Тим Морган – Вајнипорачува дека одлуката на Вишиот управен суд и правосилноста на пресудата на Управниот суд создаваат нова правна извесност за иднината на проектот „Иловица – Штука”. 

-Сега очекуваме во конструктивна и ефикасна соработка со Владата и сите релевантни институции да го обновиме и забрзаме процесот за обезбедување на сите потребни одобренија и лиценци. Така, во најкраток можен рок, ќе може да почнеме со реализација на нашата капитална инвестиција,изјави Морган – Вајни. 

Еко-активистите од Зелена Котлина најавуваат дека жестоко ќе се спротивстават на следните активности, аико сега на потег се Министерството за економија и Владата.

„Уморни сме од политички ветувања, позадински трзалици и камелеонски тактики. Време е да му се стави крај на ова еднаш засекогаш. Или сте со народот или сте против него. Не може округло па на ќоше. Ако е неопходно нека биде и радикално сценарио со ужасен пример и опомена за сите во иднината. Народот е притиснат од сите страни за секакви егзистенцијални проблеми па уште и рудник на смртта му фали“, гласи дел од нивната реакција.