ЕВЕ КАКО КОСОВСКАТА ПОЛИЦИЈА ГИ БРКАШЕ НАПАЃАЧИТЕ: Во медиумите осамна видео од потерата
![](/media/main/2023/09/20230926103040.png)
Објавено во: Балкан 26 Септември, 2023
Како што јави телевизијата Клан Косова, дронот ги снимил моментите кога напаѓачите бегале, и по конфликтот со полицијата во кој загина наредникот на косовската полиција.
Автентичноста на видеото и што точно е снимено на него се уште не се потврдени.
Да потсетиме, јавноста слушна од претставниците на Приштина и Белград дека Србите првично изградиле барикада, која припадниците на косовската полиција се обиделе да ја срушат. Потоа дошло до вооружен конфликт во кој загинал косовски полицаец, а според денешните информации загинале и четворица Срби.
Според неофицијални информации, убиените Срби се жители на северно Косово. Некои се повредени, а по други се уште се трага.
Генералниот директор на косовската полиција Газменд Хоџа изјави дека лицата осомничени за неделниот напад врз косовската полиција во градот Бањска, кои не биле неутрализирани или уапсени, успеале да заминат пеш од областа „во и околу манастирот Бањска “.
Тој на прес-конференција во кампот „Белведере“ во Јужна Митровица, каде што било изложено оружјето што наводно е запленето од овој случај, рече дека ги има околу 30, а напаѓачите ги оставиле возилата што ги користеле за време на нападот.
Министерот за внатрешни работи на Косово, Џељај Свеќља побара од Србија да му ги предаде на Косово лицата кои ја нападнаа косовската полиција, за, како што рече, да одговараат пред правосудните органи за терористички дејствија. Тој рече дека во едно од возилата мерцедес со БГ таблички биле пронајдени и документите на Милан Радоичиќ, заменик на Српската листа.
Најмалку двајца непознати мажи во текот на попладневните часови во Општата болница во Нови Пазар се лекувани од прострелни рани, неофицијално дознава Бета. Влезот на хируршкото одделение го чувала полиција.
Косовскиот специјален обвинител Наим Абази изјави дека полицијата во Звечан пронашла автомобил во кој било скриено оружје.
Селото Бањска се уште е целосно затворено и во него никој не може ниту да влезе ниту да излезе.
Бањскиот манастир, во кој до попладнево беа затворени аџии од Нови Сад, денеска го посети рашко-призренскиот владика Теодосије и истакна дека монасите и верниците на никаков начин не учествувале во трагичните настани.
Косовската полиција уапсила две лица во хотел во село Бањска, каде што пронашла и оружје, потврдија вечерва за КоССев од косовската полиција.
Канцеларијата за Косово и Метохија дури вечерва се огласи, Српската листа чекаше до попладнево, а претседателот Александар Вучиќ и тогашната премиерка Ана Брнабиќ изјавија дека единствен виновник за настаните на Косово и Метохија е Албин Курти.
Можеби ќе ве интересира
ВУЧИЌ СЕ ПРАВДА ДЕКА НЕ Е БЛИЗОК СО ПУТИН: Тврди дека најмалку две и пол години не разговарал со него
![](/media/main/250x170/2024/08/20240831185309.jpg)
(ВИДЕО) ДЕЛОВИ ОД ГРЦИЈА ПОД ВОДА: Бура ја зафати Атина
![](/media/main/250x170/2024/08/20240831171820.jpg)
ПО УПАДОТ НА ПРИШТИНА НА СЕВЕРОТ: Каков став зазема ЕУ?
![](/media/main/250x170/2024/08/20240831141050.jpg)
МНР НА СРБИЈА: Mеѓународната заедница итно да го заштити српскиот народ на Косово
![](/media/main/250x170/2024/08/20240831121930.jpg)
(ВИДЕО) ДРЖАВИТЕ ВО РЕГИОНОТ ГО НЕМААТ: Хрватска купува моќно американско оружје
![](/media/main/250x170/2024/08/20240831101123.png)
АКЦИЈА ВО СЕВЕРНО КОСОВО: Затворени се пет паралелни српски општини
![](/media/main/250x170/2024/08/20240831071652.jpg)
МИЛАНОВИЌ ЗА СРБИЈА: Денес тие се двојно понеразвиени, а повеќе од двојно поголеми од Хрватска
![](/media/main/250x170/2021/05/20210520205925.jpg)
Кој е господар на балканското небо? Оваа држава има повеќе од 200 воени борбени авиони - ловци!
![](/media/main/250x170/2024/08/20240829203606.jpg)
МАКРОН СТИГНА ВО БЕЛГРАД: Србија ќе купи авиони Рафал од Франција
![](/media/main/250x170/2024/08/20240829205205.jpg)