Еве што судот во Хаг одлучи за Радован Караџиќ

Добивај вести на Viber

Првиот претседател на Република Српска, Радован Караџиќ  денеска во Хаг е осуден на доживотен затвор.

Жалбениот совет на Механизмот за кривични судови во Хаг го осуди на доживотен затвор  Караџиќ.

Судијата рече дека биле потврдени сите точки од првостепената пресуда, освен неколку инциденти во пребројувањето во 20 општини.

Судскиот совет на Хашкиот трибунал во март 2016 година го осуди Караџиќ на 40 години затвор поради геноцид во Сребреница и злосторство против човештвото во Босна и Херцеговина 1992-1995 година.

Со првостепената пресуда, Караџиќ е ослободен од обвинението по една точка - за геноцид против несрпското население во седум општини во БиХ, но беше осуден за другите 10 точки, вклучувајќи и за геноцид во Сребреница.

Со денешнава пресуда треба да е завршена правосудната постапка што практично трае од 1995 година, кога беше објавено и потврдено првичното обвинение против човекот што се смета за инспиратор и лидер на „проектот“ што доведе до масовни страдања и прогони во БиХ и резултираше со геноцидот на припадниците на војската и полицијата на босанските Срби врз муслиманите во Сребреница.

Пред изрекување на второстепената пресуда на хашкиот осуденик  Караџиќ дошло до инцидент кога на заштитната ограда семејствата на настраданите и претставници на бошњачките здруженија поставиле транспарент на кој првиот претседател на РС се споредува со Хитлер.

 „Радован Караџиќ - геноцид, Адолф Хитлер - холокауст“ - пишува на транспарентот поставен на заштитната ограда пред зградата на трибуналот, па интервенирала полицијата барајќи негово отстранување.