„Европа“ вложи 200.000 евра во акции на „Фершпед“
Објавено во: Економија 23 Февруари, 2021
Најстарата домашна кондиторска индустрија „Европа“ вложи 200.000 евра во 200 акции на „Фершпед“ и со новокупените акции сега поседува 9,66 отсто од главницата на најголемата шпедитерска компанија. Во оваа прилика ја информираме јавноста дека заради направен ненамерен технички превид во текст со наслов „Ги плаши ли некој голеите акционери во „Фершпед“ (од понеделник 22 февруари 2021 година) погрешно се интерпретирани податоци дека „Фершпед“ извршил сопствен откуп и за тоа се извинуваме на читателите и на акционерите на „Фершпед“
Скопската кондиторска индустрија вложи 200.000 евра во 200 акции со право на глас во скопската шпедиција „Фершпед“ и со тоа го зголеми своето учество во главницата на компанијата на 9,66 отсто. Со оваа блок трансакција склучена на Македонската берза за хартии од вредност „Европа“ го зголеми своето учество во „Фершпед“ за 1,1 отсто (претходно поседуваше 8,55 отсто од акциите на шпедицијата).
Зошто во оваа ситуацијја „Европа“ одличила да докупи акции во „Фершпед“ и да го зголеми своето учество во акционерската структура е интерна одлука која може да се толкува и како дискутабилна во услови на отежнато работење во актуелната здравствена пандемија. Како и да е одлуката е легитимна. А „Европа“ со оглед на бројните ограничувања и отежнувачки околности предизвикани од COVID 19 имаше успешна деловна година. Повеќе за работењето на „Европа“ може да прочитате на следниот линк Во што е „слатката тајна“ на скопска „Европа“? Профитот надмина 1 милион евра!
Р.Ф.