Европскиот парламент го одобри контроверзниот трговски договор ЦETA

Добивај вести на Viber

Европскиот парламент го одобри ЦETA - прилично спротивставениот трговски договор меѓу ЕУ и Канада. Пратениците го поддржаа договорот со 408 гласови "за", 254 "против" и 33 воздржани, станува јасно од официјалното соопштение на ЕП.

Одобрувањето од парламентот овозможува привремена примена на економската и трговската спогодба уште во следниот месец. Претстои ЦETA да биде ратификувана од националните парламенти на земјите-членки на Заедницата. Од ЕП очекуваат дека договорот ќе почне да дејствува најрано од 1 април оваа година.

Потсетуваме дека ЦETA нема да ги укине царините во областа на јавните, транспортните и аудиовизуелни услуги, како и во однос на трговијата со млечни производи, пилешко и јајца.

„Овој документ ни овозможува да извлечеме економски и геополитички интереси, да ги продлабочиме економските односи (со Канада.), да ја утврдиме нашата трговија и нашите вредности, да го зајакнеме заедничкото партнерство“, рече пред гласањето комесарот за трговијата Сесилија Малмстром. 

Договорот меѓу ЕУ и Канада за слободна трговија беше потпишан на 30 октомври во Брисел. Истиот го предвидува намалувањето на 99% од царините меѓу двете земји. Околу договорот има доста проблеми. Неговите критичари велат дека тој не ги штити правата на европскиот корисник и ќе им наштети на мали и средни бизниси. 

Според европските лидери пак аранжманот е победа на светскиот трговска систем кој е под закана од новиот американски претседател Доналд Трамп, кој повеќе пати се изразил против аналогно на ЦETA договор меѓу САД и ЕУ - ТПТИ. 

Парламентарните групи во ЕП водеа жестоки спорови по темата. Групите на националистите и евроскептиците, предводени од Французите на Марин ле Пен и на Британците на Најџел Фарадж, изјавија дека ЦETA е погубна за Европејците.

Крајната левица исто категорично го отфрли договорот, бидејќи бил во услуга на мултинационалните корпорации. 

Против се изјаснија и проевропски настроените „Зелени“. 

Договорот има значителна опозиција меѓу мноштво групи, според кои ова е само тест модел на договорот за слободна трговија со САД - ТПТИ, за кој се уште се водат преговори. Активисти сметаат дека двата договори и се закануваат животната средина на земјите од ЕУ, како и потрошувачките стандарди, овозможувајќи им на корпорации да пропуштаат одредени прописи.