05 Јуни, 2020
0.0275

Европско меѓународно движење: Без поддршка за С. Македонија ЕУ остава вакуум простор

Објавено во: Македонија 17 Октомври, 2019

Европското меѓународно движење целосно го поддржува процесот на проширување на Европската Унија. Со нивните ставови се согласува и Европското движење на Северна Македонија. Во исчекување на финалната одлука на Самитот на ЕУ, од Европското меѓународно движење велат дека преговорите за членство постојано се одложуваат без оглед на позитивните препораки кои го поддржуваат процесот на проширување од страна на Европската комисија и повеќе земји-членки, вклучително и Германија.

„Одложувањето на преговорите во оваа фаза ќе го поткопа кредибилитетот на ЕУ. Северна Македонија и Албанија спроведоа робусни внатрешни реформи во согласност со барањата на ЕУ. Северна Македонија го потпиша Договорот од Преспа со Грција, со што се стави крај на историскиот долг спор околу името на земјата. Покажувајќи неподготвеност да го поддржи процесот на пристапување на Албанија и Северна Македонија, ЕУ ризикува да остави вакуум што би можел да го искористат геополитичките ривали, како Русија, Кина и Турција, кои сакаат да профитираат од оваа неизвесност за да се мешаат во регионот и да ја промовираат својата агенда, која честопати оди спротивно на онаа на ЕУ“ велат од ЕМД.

ЕУ треба да го задржи моментумот преку развивање на позитивен наратив за проширување заснован на успехот на овој процес во зајакнувањето на безбедноста и мирот во Европа.

Најголем противник на проширувањето е францускиот претседател Макрон кој бара внатрешни реформи во ЕУ, повеќе време за консолидирање, но и поголемо исполнување на обврските на земји кандидати како С. Македонија за борба со корупцијата, организираниот криминал и реформи во правосудството кои за волја на вистина изостанаа во земјава и не дадоа целосни резултати. Сепак, на Европскиот совет се носат политички одлуки, па така и со давањето зелено светло за отпочнување на преговори за членство веднаш би се отвориле поглавјата 23 и 24 кои се однесуваат токму на владеење на правото.

„Низ Западен Балкан, ниското ниво на економски раст и растечката сиромаштија ја загрозуваат поддршката за пристапување во ЕУ. Регионалните спорови, исто така, го попречуваат процесот на проширување, додека корупцијата и институциите што не се способни да ги спроведат демократските вредности можат да доведат до распространето разочарување кај граѓаните и пораст на националистичките политички партии. За да се спротивстават на овие појави, неопходно е да се поддржи демократскиот развој, граѓанскиот дијалог, плурализмот и борбата против корупцијата, како и економскиот раст и регионалната соработка. Во овој поглед, регионалната соработка треба да се надополни со поширок поим за „европска соработка“, што ќе овозможи размена на најдобри практики и взаемно учење и избегнување изолација од остатокот на Европа“ потенцира ЕМД.

Денес германската канцеларка Меркел во Берлин пред Парламентот истакна дека мали се шансите на Самитот на ЕУ да се донесе едногласна одлука за почнување преговори со С. Македонија и Албанија. 

Можеби ќе ве интересира

НИКОЛОВСКИ ПОВИКА НА ОДГОВОРНО ОДНЕСУВАЊЕ: Oва е тест токму за нашиот систем

НИКОЛОВСКИ ПОВИКА НА ОДГОВОРНО ОДНЕСУВАЊЕ: Oва е тест токму за нашиот систем

ФИЛИПЧЕ ЗА НОВОЗАБОЛЕНИТЕ: Имало еден период кога не биле свесни и кога циркулирале низ градот

ФИЛИПЧЕ ЗА НОВОЗАБОЛЕНИТЕ: Имало еден период кога не биле свесни и кога циркулирале низ градот

Филипче: Околу 15 семејства носат 90 отсто од новите случаи

Филипче: Околу 15 семејства носат 90 отсто од новите случаи

МИНИСТЕРСТВО ЗА ЗДРАВСТВО: 180 нови заболени и 2 починати од Ковид - 19

МИНИСТЕРСТВО ЗА ЗДРАВСТВО: 180 нови заболени и 2 починати од Ковид - 19

Адхурим Фазлиу: Верувале или не 5 амбулантни возила за помалку од 15 минути носевме 5 СOVID-19 позитивни или суспектни

Адхурим Фазлиу: Верувале или не 5 амбулантни возила за помалку од 15 минути носевме 5 СOVID-19 позитивни или суспектни

ВО ЖИВО: Венко Филипче ќе одржи прес - конференција

ВО ЖИВО: Венко Филипче ќе одржи прес - конференција

Нови 177 позитивни на коронавирусот во Македонија

Нови 177 позитивни на коронавирусот во Македонија

ЗАЕВ ДО АХМЕТИ: Mандатар може да биде секој граѓанин кој ќе обезбеди поддршка од најмалку 61 пратеник

ЗАЕВ ДО АХМЕТИ: Mандатар може да биде секој граѓанин кој ќе обезбеди поддршка од најмалку 61 пратеник

Двајца доктори од Аџибадем Систина позитивни на корона вирусот

Двајца доктори од Аџибадем Систина позитивни на корона вирусот