ФАКТОР НА ДЕНОТ: Црквата протестираше против Законот за родова еднаквост, велат ќе ги бранат најмладите од новите идеологии

Добивај вести на Viber

ПРОТЕСТ ПРОТИВ ЗАКОНИТЕ ЗА РОДОВА ЕДНАКВОСТ И МАТИЧНА ЕВИДЕНЦИЈА

На протестот кој попладнево се одржува пред Соборниот храм во Скопје, поглаварот на МПЦ, г.г. Стефан изјави дека ќе ги бранат децата од неприфатливи и нагрдувачки нови идеологии. 

Вели дека се собрани за достоинствено да го покажат своето прегрнување на сиот свет, како божјо творение. 

Академик Катица Ќулавкова вечерва на протестот пред Соборниот храм рече дека трансродност е термин кој ги покажува противречностите. Вели дека симпатичната бајка за рамноправност на жените се трансформирала и форсира нешто друго. Академик Ќулавкова рече дека оваа приказна не е наивна. Додава дека се мешаат поимите пол и род. 

„Време е за сериозен дијалог, а не за примитивни иконографии“, рече таа. 

ТРЕНЧЕВСКА ВЕЛИ РОД И ПОЛ СЕ РАЗЛИЧНИ

Министероката за труд и социјална политика Јована Тренчевска денеска пред најавениот попладневен протест на МПЦ-ОА против законските измени за родова еднаквост, како и тој за матична евиденција, по брифингот со медиумите изјави дека ќе продолжи понатамошната дебата, но дека како што рече таа, за државата и натаму полот и родот се две различни нешта.

- Како борец за човекови права не можам да кажам дека протест не смее да се одржува. Протестот е легитимно право на секој. Но, легитимно право е да биде кажана и вистината за двата закони. Вистината за дефинициите и за механизмите. Треба да се разбере концептто на родова еднаквост во духот на меѓународните документи и во духот на сето она што постои како регулатива во нашата држава. Родовата еднаквост не е исто што и половата еднаквост. Родовата еднаквост, не е исто што и родов идентитет. Родот и полот се дефинирани согласно постојната регулатива во државата и согласно она што државата си го превзела како обврска од Истанбулската конвенција, рече Тренчевска.

АЛБАНИЈА МОЖЕ ДА ПРОДОЛЖИ КОН ЕУ БЕЗ МАКЕДОНИЈА?

Албанија може да започне преговори за членство во ЕУ и без Северна Македонија, вели бугарскиот европратеник Андреј Ковачев. 

Рече дека двете држави може да бидат одвоени на патот кон ЕУ. 

„Тоа е сосема јасно. Самиот Еди Рама неколку пати ми рече „Ние не сме во брак со Скопје“. Ако не можат да ги исполнат европските услови за почеток на преговори, зошто Албанија мора да биде жртва и да чека нешто, за што не е нивна вина, ниту е до нив?“, рекол бугарскиот европратеник во интервју за бугарски „Актуелно“.

ЧИТАЈТЕ УШТЕ

Шест компании чија претежна или исклучива дејност е продажба на обувки лани направија агегатен приход од 58 милиони евра. Ова е значаен дел од целата продажба на патики, чевли и други обувки во Македонија. Голем бизнис за земја со помалку од 1,8 милиони жители...!

ИГМ Трејд на челичниот магнат Илија Гечев во Кавадарци ќе пушти во употреба уште три фотоцентрали за производство на електрична енергија од обновливи извори, со кои ќе го надмине нивото на моќност од 5 мегавати.

Се бара кандидат кој ќе седне во директорската фотеља на Агенцијата за филм на Македонија. Заинтересираните, поточно лицето кое Владата ќе го одбере да биде директор на Агенцијата, ќе добие мандат од две години.