ФАКТОР НА ДЕНОТ: Taравари најави вработувања во здравството, а разрешени се и директори на скопските клиники

Добивај вести на Viber

ТАРАВАРИ ИМА ПЛАН ЗА ЗДРАВСТВОТО

Новиот министер за здравство Арбен Таравари, денеска во изјава за медиумите, рече дека е свесен за недостигот на кадар во јавните здравствени установи. Таравари се надева дека до крајот на годината ќе има огромен број на вработувања, особено во здравството.

Разрешени дел од директорите на скопските клиники. Како што најави новиот министер за здравство Арбен Таравари, веднаш по преземањето на функцијата разреши осум економски директори, кои се водат како вршители на должност и за кои не постои законска пречка за ексресно да ги напуштат фотељите.

СОФИЈА ТВРДИ ДЕКА НЕМА ДА ИМА ПРЕДОГОВАРАЊЕ НА РАМКАТА

Бугарско Mинистерство за надворешни работи(МНР), соопшти дека идеите на македонскиот премиер Христијан Мицкоски за повторно преговарање на рамката само ќе го оддалечат Скопје од ЕУ. 

Потсетуваат дека европскиот консензус постигнат во летото 2022 година меѓу 27-те земји-членки на ЕУ и Македонија јасно го опишува чекорите за постигнување вистински напредок во евроинтегративниот процес на соседната земја.

КАМБОВСКИ КАЖА СТАВ ЗА СУДСКИОТ СОВЕТ

Прашањето за разрешување во целина на Судскиот совет е доста комплексно и не е едноставно, бидејќи ако го разрешите Судскиот совет со закон, тоа е големо прашање дали така може уставни тела да бидат разрешувани со обични закони во целина, како и тоа дека ќе значи мешање во судската власт т.е. во автономното право на судиите да ги избираат своите членови во Судскиот совет, вели академик Владо Камбовски.

МИЦКОСКИ ВЕТУВА ПОВЕЌЕ ИНВЕСТИЦИИ

Ветерен парк со 55 ветерници кои ќе произведуваат еден терават час електрична енергија ќе се гради меѓу Карбинци, Штип и Радовиш. Изградбата се очекува да започне во втората половина на 2025 година, а со оваа странска инвестиција на „Алказар Енерџи“, вредна над 500 милиони долари, се очекува да се отворат нови 630 работни места. 

ЧИТАЈТЕ УШТЕ

„Комерцијална банка“ лани ја имаше својата најуспешна година со профит од речиси 60 милиони евра.

АД „Силекс“ му го преотстапи уделот од 38 отсто на партнерот „Генезис“ од Мелбурн во потрагата по злато, сребро и бакар во Пробиштип и Кратово.

Вработените во туристичките агениции сметаат дека иако секој турист има различни афинитети, сепак постојат дестинации како Тунис и Египет каде е попријатно да се патува во есен, за разлика од екот на летото кога температурите се екстремно високи.