ПИСОНЕРО: Жалам за неупoтребата на уставното име од страна на дел од лидерите на Северна Македонија
Објавено во: Македонија 25 Јуни, 2024
Европската Комисија(EK) укажува дека Договорот од Преспа мора да се почитува.
Портпаролката на Европската Комисијата за соседска политика и проширување Ана Писонеро изјави дека употребата на „Северна Македонија“ е нешто кое е договорено со Преспанскиот договор, и изрази жалење што дел од лидерите не го употребуваат уставното име.
„Жалам за неупoтребата на уставното име од страна на дел од лидерите на Северна Македонија. Ова е јасно нешто што е договорено како дел од Договорот од Преспа. И јасно е дека сите страни мора да ги почитуваат условите на договорите и да ги спроведуваат со добра волја. Од наша страна му честитавме на премиерот Мицкоски и на новите министри по формирањето на владата во Северна Македонија. ЕУ тесно ќе соработува со новата влада за да постигне напредок во значајните реформи и да го унапреди патот на Северна Македонија кон ЕУ“, рече Писонеро.
Постои само едно толкување на ерга омнес, велат грчките власти.
Според поранешниот грчки премиер, Алексис Ципрас, ЕУ и меѓународната заедница треба јасно да ги стават на знаење последиците што непочитувањето на Договорот ќе ги има врз регионот, а особено врз иднината на Македонија.
Договорот од Преспа, грчките и македонските власти го потпишаа во 2018 година.