ФАКТОР НА ДЕНОТ: Грчките медиуми пишуваат дека бил спречен атентат на Заев, тој не коментира

Добивај вести на Viber

ГРЧКИТЕ МЕДИУМИ ПИШУВААТ ДЕКА БИЛ СПРЕЧЕН АТЕНТАТ НА ЗАЕВ

Грчките тајни служби и Владата спречија обид за атентат врз лидерот на Северна Македонија, Зоран Заев, неколку месеци по потпишувањето на Договорот од Преспа во летото 2018 година, и пред парламентот да изгласа измена на Уставот со 80 гласови.

Ова беше објавено во „Сандеј тунајт“ од извор близок до тогашното Министерство за надворешни работи. Изворот во исто време бил и неформална врска со тајните служби и Министерството за одбрана, кое имало значајна улога во целиот случај, јавуваат грчките медиуми.

Според изворот, по ратификацијата на Договорот од Преспа од парламентот во Скопје со 69 гласови на 20 јуни (договорот беше потпишан на 12 јуни во селото Псарадес во Лерин во Преспа), политичката тензија го достигна врвот во соседната земја.

Организации на дијаспората од Австралија и Канада го изразуваат својот гнев, и наводно ќе ги финансираат негативните реакции во Скопје, но исто така имаат и средства канализирани за „обезбедување“ на нападот.

12 ЛУЃЕ ПОЧИНАА ОД КОРОНАВИРУСОТ

Министерството за здравство информира, согласно податоците од Институтот за јавно здравје:

Во последните 24 часа се направени 1.967 тестирања, а регистрирани се 154 нови случаи

на КОВИД-19:

Скопје – 118, Куманово – 12, Кавадарци – 5, Прилеп и Битола – по 3, Велес, Кичево, Кочани, Свети Николе и Крива Паланка – по 2, Струмица, Виница и Кратово – по 1.

Регистрирани сe 408 оздравени пациенти од: Скопје – 179, Тетово – 23, Куманово – 22, Струмица – 19, Штип – 17, Кавадарци – 15, Кичево – 14, Прилеп и Велес – по 12, Кочани и Дебар – по 11, Радовиш и Берово – по 9, Битола и Ресен – по 7, Свети Николе – 6, Кратово и Гостивар – по 5, Крива Паланка, Гевгелија и Валандово – по 4, Неготино и Делчево – по 3, Пехчево – 2, Охрид, Пробиштип, Богданци, Македонски Брод и Македонска Каменица – по 1.

Пријавени се 12 починати лица: 10 починати лица од Скопје (90г, 90г, 82г, 74г, 73г, 73г, 71г, 67г, 67г  и 53г), по едно починато лице од Штип (84г) и Валандово (30г).

ВО МОДУЛАРНИТЕ БОЛНИЦИ НЕ СЕ КОНСТАТИРАНИ НЕПРАВИЛНОСТИ

Министерството за здравство информира дека Државниот здравствен и санитарен инспекторат го заврши вонредниот инспекциски надзор и до министерот за здравство д-р Венко Филипче ја достави следната информација за извршен вонреден инспекциски надзор во модуларните болници на територија на Република Северна Македонија

Државниот санитарен и здравствен инспекторат изврши вонредни инспекциски надзори во 18 модуларни болници лоцирани во следните градови:

ТЕНЗИИ НА КОСОВО

Амбасадата на САД бара од Косово и Србија да се воздржат од еднострани дејствија. 

Повикаа на смирување на тензиите. Портпаролот за надворешна политика на ЕУ, Петер Стано, на денешната прес -конференција ги повика Белград и Приштина да ги запрат меѓусебните тензии.