ФАКТОР НА ДЕНОТ: Изречени пресуди за „Трезор“, Мијалков доби 8 години затвор
Објавено во: Македонија 13 Април, 2021
„ПАДНАА“ ПРЕСУДИ ВО СЛУЧАЈОТ „ТРЕЗОР“
За поранешниот шеф на тајната полиција Сашо Мијалков првостепено е пресудена вкупна казна затвор од осум години за случајот „Трезор“, Горан Грујевски, инаку недостапен за прогонот, доби 15 години, Небојша Стајковиќ пет години, за Тони Јакимовски одредени се исто така пет години. На правното лице „Финзи“ му се конфискува имот од 10.980.000 денари.
Кривичниот суд утврди дека Сашо Мијалков стои зад компанијата „Фензи“ од САД, која не би била конкурентна во набавката на комуникациска опрема доколку не биле раководителите на поранешното Управа за безбедност и контраразузнавање..
Утврдена е голема заработка од 870.000 евра преку голема разлика меѓу набавната и продажната цена за набавувачот „Финзи“ на електронска и комуникациска опрема од производителот „ГАМА“, преку која директно одела набавката. Останатат сума од штетата осудените треба да ја вратат во буџетот, одлучи судот, по правосилноста на пресудата.
Предметот „Трезор“ се однесува на злоупотреба на средства од Буџетот на државата за набавка на електронско-комуникациска опрема за потребите на Петтата управа при УБК и обука за нејзино користење од фирма од Велика Британија.СОБРАНИЕТО Е ДЕБЛОКИРАНО
ВМРО-ДПМНЕ преку координаторот на пратеничката група, Никола Мицевски, соопшти дека ќе ги повлечат амандманите поднесени на измените на Законот за државјанство со цел да се одблокира работата на Собранието и да се изгласа петтиот пакет на економски мерки.
Истовремено побарано е од опозициската коалиција Aлијанса – Aлтернатива да ги повлече сите амандмани поднесени за петтиот економски пакет мерки.
„Заради пазарењето на Заев и СДСМ и нивното лицемерие, граѓаните останаа без помош“, рече Мицевски.ВЛАСТА ПРЕДЛОЖИ ЛЕКУВАЊЕТО ВО ПРИВАТНИТЕ БОЛНИЦИ ДА БИДЕ ОД 40.000 ДО 305.000 ДЕНАРИ
Министерот за здравство Венко Филипче објави дека во измените на Законот за здравствена заштита предлагаат дијагонстицирање и лекување на ковид пациенти во приватните болници да се движи од 40.000 до 305.000 денари.
-Регулирањето на цените е неопходно за да не се доведеме во ситуација приватните здравствени установи да останат недостапни за огромно мнозинство на граѓани во нашата земја. Ги повикувам сите пратеници во Собранието да дадат поддршка...наведува министерот во неговата објава на Фејсбук.ДЕНЕС НАД 1.100 ЗАРАЗЕНИ СО КОВИД
Министерството за здравство информира, согласно податоците од Институтот за јавно здравје:
Во последните 24 часа се направени 4.045 тестирања, а регистрирани се 1.129 нови случаи на КОВИД-19 во:
Скопје – 458, Битола – 96, Куманово – 82, Прилеп – 54, Велес – 47, Тетово – 44, Кавадарци – 36, Гостивар – 33, Штип – 32, Кочани – 28, Кичево – 27, Охрид – 25, Струмица – 22, Валандово – 18, Неготино и Гевгелија – по 17, Струга - 15, Радовиш – 13, Ресен – 10, Берово и Пробиштип – по 7, Свети Николе, Крива Паланка, Делчево и Виница– по 6, Демир Капија, Демир Хисар и Кратово - по 3, Крушево, Богданци и Пехчево – по 2, Македонска Каменица и Дојран – по 1.ПОСТОЈАТ СОМНЕЖИ ДЕКА БРАЗИЛСКИОТ СОЈ ГО ИМА ВО СРБИЈА
Директорката на ковид-болницата во Батајница, Татјана Аџиќ Вукичевиќ, за РТС изјави дека има индикации дека бразилскиот сој на корона вирусот се појавил во Србија и дека британската варијанта е сè уште најприсутна меѓу пациентите. Таа предупредува дека секој нов сој на вирусот е многу полош од претходниот и во однос на преносливоста и во однос на морталитетот и апелираше до граѓаните да се вакцинираат.
Потенцира дека сè уште не може да дава оптимистички изјави во врска со пандемијата, бидејќи нема несто за опуштање.ЧИТАЈТЕ УШТЕ
Се отвора патот македонските граѓани да заминат на работа на брод.