ФАКТОР НА ДЕНОТ: Mосква возврати, ја протера македонската в.д. амбасадорка

Добивај вести на Viber

РУСИЈА ЈА ПРОТЕРА МАКЕДОНСКАТА В.Д. АМБАСАДОРКА

Русија прогласи еден вработен во Амбасадата на Северна Македонија во Москва за персона нон грата. Веста ја објавија руските медиуми повикувајќи се на руското Министерство за надворешни работи, а ја потврди и Руската амбасада во Скопје. 

„На 10 јуни, в.д. амбасадорка на Република Северна Македонија во Руската Федерација, Оливера Чаушевска-Димовска беше поканета во Министерството за надворешни работи на Русија, каде ѝ беше врачена нота на Министерството, со која вработен во Амбасадата на Северна Македонија во Москва се прогласува за персона нон грата”, се вели во соопштението од Руската амбасада објавено на Фејсбук. се огласи руското министерство.

СЕ ЈАВИ СО РЕАКЦИЈА МАКЕДОНСКОТО МНР

Министерството за надворешни работи го опиша како одмазда протерувањето на македонски дипломат од Москва, како и неоснован потег кој негативно ќе влијае на односите меѓу двете земји.

„Министерството за надворешни работи искажува жалење за овој неоснован потег на руската страна, кој претставува политичка одлука базирана единствено на начелото на политичка освета, и која со тоа негативно ќе влијае на интензитетот на билатералните односи меѓу двете земји“, гласи реакцијата на МНР.

ЗА 24 ЧАСА ИМА 18 ЗАРАЗЕНИ СО КОРОНАВИРУСОТ

Министерството за здравство информира, согласно податоците од Институтот за јавно здравје:

Во последните 24 часа се направени 2.411 тестирања, а регистрирани се 18 нови случаи на КОВИД-19 од:

Скопје – 8, Куманово – 5, Кочани – 2, Тетово, Крива Паланка и Кратово – по 1.

Регистрирани се 31 оздравен пациент од:

Скопје – 11, Виница – 3, Куманово, Кочани, Прилеп, Тетово, Битола, Кавадарци и Кичево – по 2, Струмица, Крива Паланка и Радовиш – по 1.

ВО СЛУПЧАНЕ ЌЕ „НИКНЕ“ СПОМЕН КУЛА НА ОНА

Во Општина Липково ќе се изгради спомен кула во чест на ОНА, и ќе чини 200.000 евра. 

Градоначалникот на Липково, Еркан Арифи,  изјави дека изградбата на споменикот доцни. 

ЧИТАЈТЕ УШТЕ

Платите можеби не се многу високи, ама очигледно за граѓаните е примамливо да се вработуваат во општините.

Јавен обвинител од Основното јавно обвинителство Скопје заедно со екипа од МВР, извршил увид на самото место каде на 8 јуни 2021 година, во 23:05 часот, во Скопје, на ул. „Борис Трајковски“ се случи сообраќајна несреќа во која животот го загубија две лица. 

Најголемите четири домашни компании за продажба на мало на уред и за домаќинство лани направија агрегиран приход од продажба од речиси 150 милиони евра! Короната не затвори дома па да не е досадно си купувавме уреди за домаќинство.