ФАКТОР НА ДЕНОТ: Премиерот реагира дека амбасадорите се мешаат во внатрешните работи и бара ако имаат решенија да понудат

Добивај вести на Viber

МИЦКОСКИ РЕАГИРА ЗА МЕШАЊЕТО НА СТРАНСКИТЕ АМБАСАДОРИ

Евроамбасадорот Дејвид Гир вчера го критикуваше ставот на ВМРО-ДПМНЕ за распуштање на Судскиот совет и Советот на обвинители. И американската амбасадорка Ангела Агелер порача да се почитува извештајот на европските експерти. На ова денеска реагираше премиерот Христијан Мицкоски, кој вели дека станало практика амбасадорите да се мешаат во внатрешните работи на државата.

МАКЕДОНЦИТЕ ОД БУГАРИЈА МУ РЕАГИРААТ НА РАДЕВ

Заедниците на Македонците во Бугарија реагираат на изјавата на бугарскиот претседател Румен Радев, со која тој му одговори на македонскиот премиер Христијан Мицковски за изјавата дека Договорот за добрососедство може да се репреговара. Радев рече оти „на властите во Скопје им недостига познавање на уставно право“.
-Цинизам е претседател на држава кадешто редовно се кршат човековите права и има толку многу, критики од меѓународните институции за правата на човекот и толку многу пресуди во Судот за човекови права во Стразбур да ги изговори овие зборови. Да, Бугарија ги тепаше своите граѓани со македонска самосвест во годините на демократијата и да – имаше напади врз македонски собори и врз македонски клубови – реагираат Македонците во Бугарија.

ПОЗНАТО Е ШТО ЌЕ РАБОТАТ ЕКС МИНИСТРИТЕ

Поранешните министри Бујар Османи, Артан Груби, Славица Грковска, Ристо Пенов, Азир Алиу и Каја Шукова нема да бараат апанажа и се враќаат на нивните поранешни работни места. Бојан Маричиќ и Јетон Шаќири веќе поднеле барања за апанажа, а другите министри од кабинетот на поранешниот премиер Димитар Ковачевски се веќе пратеници или се пензионирале.

ЧИТАЈТЕ УШТЕ

Постојат поединци кои се опседнати со купување, дури и кога одредени производи реално не им се потребни. Според психолозите, вакви навики најчесто развиваат жените, а многу поретко мажите.

Станав милионер без А1, но останав без милионите поради А1, вели Велија Рамковски, некогаш познат и моќен бизнис магнат, кој со својата А1 успеваше да ги контролира економско-политичките текови во државата, во најновиот поткаст Бизнис муабети, кој во текот на утрешниот ден ќе се емитува на порталот Фактор.

Изборите завршија, пратениците седнаа во пратеничките клупи и почнаа со работа, а веќе е формирана и Владата, и премиерот и министрите веќе стартуваа со извршувањето на своите работни задачи.

Црно им се пишува на многу комунални јавни претпријатија ширум Македонија заради тоа што плаќаат струја по цени поскапи од тие по кои струјата се тргува на берзите.