Фатен човекот кој ставал отров во храната во Германија
Објавено во: Свет 30 Септември, 2017
Германската полиција го уапси осомничениот за уцена на супермаркети преку закани за труење со храна.
Човекот е уапсен во петокот од полицијата во Офтеринген, во близина на југозападниот дел на Тибинген.
Полицијата бараше лице кое испратило писма до компаниите и полицијата, во кои се заканува дека ќе загади со отров прехранбени производи во Германија и во странство ако не му се исплатат 10 милиони евра. Тој се закани дека освен на југот од Германија, ќе ја затруе и храната во Европа.
Баран беше човек снимен од камери како става храна на полиците во супермаркет во Фридрихсхафен. Подоцна се пронајдени пет отровни тегли со храна за бебиња.
Обвинител во градот Констанц изјави дека осомничениот се заканувал да отруе 20 различни видови на храна и именувал одредени фирми во Германија и во странство. Стотици луѓе ја контактираа полицијата на отворена специјална „жешка линија“ за да обезбедат информации за да помогнат во пронаоѓањето на уценувачот.
Заканата од отруени со етиленгликол производи во Германија важеше не само за храна за бебиња, туку и за 20 видови храна кои изнудвачот смета дека отрови пуштил во продажната мрежа на сите големи германски синџири.
Полицијата во Германија предупредува да се внимава при отварање на тегли – ако не го слушнете специфичниот отвор на тегла, подобро е да не ја конзумирате. Истото важи и за друго пакување на храна – ако пакувањето е оштетено, има дупки на него или е скршено, подобро е да не се јаде, бидејќи етилен гликол може да се инјектира во друга храна.