ФИЛИП ПЕТРОВСКИ: Албанците секогаш се унифицирани за големите прашања, а македонското ткиво е разјадено, Заев и Мицкоски не можат да се договорат ни за месна заедница

Добивај вести на Viber

Откако премиерот Зоран Заев најави дека утре ќе се сретне со Алијанса и Алтернатива за законот за државјанство, Филип Петровски, од редот на фракционерите на ВМРО-ДПМНЕ, вели дека според неговото лично мислење, оваа интервенција што сега се прави од страна, за да се направи некаква Влада по примерот на Германија или шорока Влада, е обид да се стабилизира македонското ткиво.

„Македонското ткиво е толку разјадено, да не кажам во канцерогена фаза, што странците гледаат дека ќе се распадне државата. Вие кај Албанците имате една сериозна структура, идеологија и политичко делување, кое е унифицирано, кога имаат било каков интерес за кој сметаат дека се поклопува со големата слика, а меѓу Македонците не постои договор за ништо. Не попис, за месна заедница нема да се договорат Мицкоски и Заев ако нема интервенција. И затоа овие интервенции се во таа насока, да се направи баланс во државата, бдејќи тотално нема баланс. И мислам дека веќе тоа не им одговара генерално ниту на ншите странски партнери, НАТО, ЕУ и ткн.Тие не сакаат држава која што е постојано извор на нестабилност, на нервоза и на несигурност“, изјави Петровски за емисијата Клик плус на ТВ 21.

Според него, Мицкоски не може да го победи Заев. 

„Ако има некој друг претседател ВМРО-ДПМНЕ, тогаш Заев може да изгуби на избори. Моментално во „Белиот дворец“ нема мажи“, посочи Петровски, додавајќи дека токму Сашо Мијалков го ставил Мицкоски за лидер на партијата преку нелегитимен конгрес.