ФОКУС НА ДЕНОТ: Дивоградбите во Охрид ја брануваат јавноста, Грција погодена од земјотрес и поплави

Добивај вести на Viber

Mинистерот без ресор Едмонд Адеми во неделното интервју на Радио Слободна Европа изјaви дека на прстите од двете раце може да се избројат дивоградбите од типот на куќи, угостителски објекти или хотели во заштитениот појас во Охрид. 

Вели дека хистеријата во јавноста околу тоа дека Охрид може да стане дел од таа листа на загрозено културно и природно богатство на УНЕСКО не ја направи владата.

„Второ, владата и сега во оваа ситуација на тие разговори во Баку што јас ги имав, не само со земјите членки на комитетот, туку и со двете експертски организации во рамките на УНЕСКО, ИКОМОС и УСЦН, договорена е експертска поддршка. Ги слушам тезите дека ќе сме добиеле и пари за колекторот. Еден колектор чини меѓу 20 и 30 милиони евра, изградбата на нов колектор во Охрид. Тие пари УНЕСКО ги нема да ви ги даде, затоа владата, знаете со нова одлука, формира ново претпријатие, кое колекторскиот систем го презема под своја капа, што до вчера беше под капата на општините, и во рамките на Буџетот оваа година планираме околу 4,5 милиони евра да вбризгаме во репарација и реновирање на пумпите, нови пумпи за колекторот, а од догодина целосно, заедно со Европската банка за развој, со Европската унија и со други институции, да можеме да ја финансираме целосно изградбата на новиот колекторски систем. Така што, целата експертска помош од УНЕСКО воопшто не е спорна“, вели тој. 

Професорот Владимир Милчин денеска ја искоментира изјавата за Радио Слободна Европа на министерот без ресор Едмонд Адеми, која се однесува за дивоградбите во Охрид.

„Ние сме хистеризирале? Не министерот ги извртува фактите! Се обидува да го одбрани неодбранливото. Пицеријата кај Чинарот се скали? Хотелот во Лагадин е гаража? Како не ти е срам?, напиша Милчин на својот Фејсбук профил.

Евакуација има од поплавени куќи во западна Грција.

Повеќе десетици граѓани по наредба на властите се евакуирани од поплавените куќи во западниот дел од Грција денеска, неколку дена откако седум луѓе ги загубија животите на Халкидики, на северот.

Поплавите по последната бура ги оштетиле патиштата во близина на градовите Нафпактос и Патра, а главниот пат беше затворен неколку часа. Засега нема извештаи за повредени или исчезнати.

Седум лица, од кои шест туристи и две деца, загинаа, а повеќе од стотина беа повредени во четвртокто кога бурата го погоди полуостровот Халкидики.

Во рок од неколку дена Грција ја погоди невреме, земјотрес, а сега имаат и поплави.