ФОКУС НА ДЕНОТ: Пожарот во велешко остави пустош, Катица Јанева куртули од разрешување

Добивај вести на Viber

Загрижувачката огнена стихија синоќа во околината на рекреативниот центар „Младост“ крај Велес ја изгоре и железничката пруга по што редовната линија не можеше да сообраќа ниту утрово.

Од  Македонски железници потврдија дека патничкиот воз од Велес за Кочани не сообраќал затоа што изгореле стотина железнички прагови и стручни лица треба да решат дали делницата до Кочани е употреблива.

Инаку во самото гаснење на пожарот учествувал и железничкиот противпожарен воз. Кога станува збор за направената материјална штета од пожарот кој му се закануваше на Велес, познато е дека се опожарени 400 хектари површина, од кои педесетгодишна црноборова шума на 200 хектари и исто толку трева.

Настрада и свињарска фарма и една викендичка. Официјален извештај за штетата се очекува утре.

Нема одлука за разрешување на специјалната обвинителка од СЈО, Катица Јанева. 

Советот на јавни обвинители денеска не донесе одлука за разрешување на специјалната јавна обвинителка, Јанева која заврши во притвор за случајот „Рекет“. 

Претседателот на Советот на јавните обвинители, Коле Штерјев, по скоро осум часа од денешната седница за точката за разрешување на Јанева, рече дека денеска одлука не донеле и продолжуваат в четврток во 10 часот.

„Советот од 11 часот досега работеше на разгледување на списите од предметот. Се работи за обемен предмет за обемни списи, има многу прибавени докази, многу транскрипи,” рече Штерјев.

Штрјев рече дека не може да соопшти детали за тоа какви се ставовите на останатите членови за барањето за разрешување на Јанева.

Седницата ќе продолжи во четврток во 10 часот. 

Зоран Заев е споменат само еднаш во исказот на Орце Камчев и тоа само дека бизнисменот случајот го пријавил кај премиерот, рече денеска обвинителката Вилма Русковска откако доказите за Рекет и за Катица Јанева ги презентираше пред Советот за јавни обвинители. Русковска вели дека сите други информации кои беа објавени за вмешаност на политичари и на Заев во случајот се како што рече, дезинформации на одредени медиуми.

Таа вели и дека се уште нема информации за тоа од како протекол дел од записникот од исказот на еден од сведоците што беше објавен. За тоа трае истрагата, но додаде и дека записниците не им се доставуваат на сведоци пред завршувањето на истражната постапка.

Русковска денеска ги презентирала сите обезбедени докази за случајот пред Советот на јавни обвинители каде денеска с еодлучува за разрешувањето на специјалната јавна обвинителка Катица Јанева