21 Октомври, 2019
0.0269

ФОКУС НА ДЕНОТ: Вештачењето на телефонот на Јанева заврши, критики за изјавата на Заев за крадење историја

Објавено во: Македонија 22 Јули, 2019

Шефицата на Специјалното јавно обвинителство, Катица Јанева, боледува во својата Гевгелија, објави „Слободен печат“, со што за прв пат се открива нејзината локација по избивањето на аферата „Рекет“, нејзината оставка и тоа што нема ниту една своја изјава како коментар, по што се јавија низа гласини.

Единствено е потврдено дека Јанева е на боледување од 16 јули, а од матичниот лекар и се препорачани медикаменти и одмор.

Интересно е тоа што докторката која и го препишала боледувањето заминала на одмор во Бугарија.

Oд ВМРО-ДПМНЕ прашуваат дали премиерот Зоран Заев, министерот за внатрешни работи, Оливер Спасовски и обвинителката Вилма Русковска ја штитат и ја кријат специјалната обвинителка која си поднесе оставка, Катица Јанева од органите на прогонот. 

Портпаролот на ВМРО-ДПМНЕ, Димче Арсовски на прес-конференција реагираше дека веќе седум дена, никој не знае каде е Јанева. 

„Да потенцираме, дека во моментов додека Катица Јанева се крие заедно со еден од нејзините телефони кој што никој не знае каде е, може да влијае на сведоци, може да избега, може да уценува, да рекетира и се’ останато. Заев, Русковска и Спасовски, свесно и даваат простор и време, на Катица Јанева, но и на нивните блиски Кики и Фрики да се исперат од целиот случај“, изјави Арсовски

Во меѓувреме заврши вештачењето на телефонот на Јанева, но детали засега нема за јавноста. 

Твоето површно гледање на работите може да го разори целиот образовен систем, кој и без тоа минува низ криза. Размислувај пред да отвориш уста, те молам, напиша во својата реакција кон премиерот Зоран Заев, академикот Божин Павловски. Реакцијата е една од многуте кои ги предизвикаа тврдењата на Заев за грчката телевизија Алфа со кои тој образложува за македонската историја.

Господине Заев, за ова што си го изјавил пред грчкиот телевизиски аудиториум во држава што поседува изградени политички критериуми би морал да се засрамиш. 99 проценти од македонската наука, култура и уметност е беспрекорно коректна кон сите свои соседи. Доказ се над 70 илјади наслови на книги и публикации во нашите библиотеки и архиви. Зошто толку лаички и смртно опасно го поткопуваш нашиот духовен живот? Твоето површно гледање на работите може да го разори целиот образовен систем, кој и без тоа минува низ криза. Размислувај пред да отвориш уста, те молам“, вели Павловски.

Во интервјуто Заев говори за преспанскиот договор, за јазикот и за корените. 

„Во минатото со обидот да се промени и извитопери целата нашата историја, со преземањето на светска, балканска и туѓа историја како наша, без да се води сметка како тоа влијае кај соседите се предизвика состојба да бидеме буквално скарани скоро со сите соседи со кои сме опкружени и се затворија сите процеси за интеграција во ЕУ и НАТО, вели Заев.

Вчера реагираше и режисерот Владимир Милчин.

„Господине Заев, знаете ли нација на глобусов која не присвојувала? Најголемите нации најмногу присвоиле. И територија и историја. Она што не можеле да го асимилираат, го набркале или го истребиле. Ме вџашува леснотијата со која демонстрирате скудно познавање на историјата и ги навредувате Македонците кои паметат или знаат колку и кои војски газеле овде и што оставиле зад себе.“

Можеби ќе ве интересира

УТРИНСКИ ФОКУС: Заев сепак дава оставка, Македонија ја чека турбулентна изборна пролет

УТРИНСКИ ФОКУС: Заев сепак дава оставка, Македонија ја чека турбулентна изборна пролет

Кој ќе слави победа на 12 април

Кој ќе слави победа на 12 април

„Милфици”, „кугарки” и останати етикети

„Милфици”, „кугарки” и останати етикети

КАКВИ ИЗБОРИ НЕ ОЧЕКУВААТ - новинарски прогнози за Фактор

КАКВИ ИЗБОРИ НЕ ОЧЕКУВААТ - новинарски прогнози за Фактор

Агонијата допрва почнува - Партиите си почнаа кампања, се договорија за избори

Агонијата допрва почнува - Партиите си почнаа кампања, се договорија за избори

Овие предвремени избори ќе имаат најниско ниво на излезност

Овие предвремени избори ќе имаат најниско ниво на излезност

Предвремените избори се очекувани, но јавноста очекуваше оставка од Заев

Предвремените избори се очекувани, но јавноста очекуваше оставка од Заев

Опозицијата му остави дополнителен маневарски простор на Заев

Опозицијата му остави дополнителен маневарски простор на Заев

Очекувам кампањата да почне уште утре, и да биде долга и валкана

Очекувам кампањата да почне уште утре, и да биде долга и валкана