Фон дер Лајен бара Бугарија да овозможи отворање на преговорите на ЕУ со Скопје
Објавено во: Македонија 08 Април, 2022
Претседателката на Европската комисија, Урсула фон дер Лајен вчера во Софија побара од Бугарија да помогне во спроведувањето на одлуката на Европскиот совет за почеток на пристапните преговори со Македонија и Албанија.
„Европскиот совет одлучи во 2020 година да започне преговори со Македонија и Албанија“, рече Фон дер Лајен на заедничката прес-конференција по средбата со бугарскиот премиер Кирил Петков.
Фон дер Лајен посочи дека е важно земјите-членки на ЕУ „да го исполнат ветувањето кон соседите, во овие тешки времиња“, јавуваат медиумите..
Таа изјави дека „ништо нема да биде исто како пред војната во Украина“, дека ветувањето кон партнерите од 2020 година треба да се исполни и дека смета на Бугарија вешто да го води процесот.
Фон дер Лајен рече дека правата на малцинствата се срж на европските договори и вредности и дека нивната заштита е основна вредност која е во фокусот на вниманието.
На почетокот на април бугарскиот премиер Петков и премиерот на Македонија Димитар Ковачевски одделно оценија дека е постигнат значителен напредок во преговорите за спорот меѓу двете земји, поради што Софија го блокираше почетокот на преговорите на ЕУ со Скопје за членство во ЕУ.
Во декември 2020 година, Софија стави вето на почетокот на пристапните преговори со Македонија, барајќи Скопје да ги исполни условите од Договорот за добрососедство и да ги признае бугарските македонски корени и јазик. Таа лани ги модифицирала барањата и ги формулирала во документот „Пет плус еден“.
Бугарија бара од Скопје да признае дека историјата на Македонија пред 1944 година е всушност историја на Бугарија и дека, како што се тврди, треба да престане да поседува некои бугарски историски личности.
Условот на Софија за деблокирање на преговорите на ЕУ со Македонија е да престане наводниот говор на омраза кон Бугарите и да обезбеди уставни измени за заштита на бугарското малцинство, додека ЕУ треба да обезбеди механизми за контрола дали Скопје се придржува до тие обврски.
Можеби ќе ве интересира
AНТОНИО МИЛОШОСКИ: Спорно е што Oсмани си ја кодоши сопствената држава и што тоа го прави во МНР
Љупчо Палевски вечерва ќе биде донесен во Македонија?
НАСТАНОТ „ПРЕСПА ФОРУМ“ СЕ ОДЛАГА: Kоја е причината?
СИРИЗА ДО ГРЧКИОТ ПАРЛАМЕНТ ГИ ДОСТАВИ МЕМОРАНДУМИТЕ: Какви бенефити носат за Македонија?
ГРЧКИ ПРАТЕНИК ГО ИСКИНА ДОГОВОРОТ ОД ПРЕСПА: Oбвини дека Македонија го прекршила договореното
Туристка од Аргентина пронајдена почината во хотел во Охрид
ПРИБРАНИ СЕ ТРАГИ, ОБЕЗБЕДЕНИ СЕ СНИМКИ ОД ОКОЛНИТЕ КАМЕРИ - Обвинителството трага кој го запали автомобилот на директорот на Идризово
(ФОТО И ВИДЕО) ДОЦНА ВО НОЌТА ЗАПАЛЕН АВТОМОБИЛОТ НА ДИРЕКТОРОТ НА ИДРИЗОВО ЗОРАН ЈОВАНОВСКИ - граѓаните вознемирени
И оставил нож на Добрила Кацарска како закана во гаражното место
