(ФОТО) ФОТОГРАФИЈА КОЈА НИКОГАШ НЕ БИЛА ОБЈАВЕНА: мајка го слика синот а во позадина експлозија на Кулите близначки
Објавено во: Свет 07 Март, 2018
11 септември 2001 година, ден кој се врежа во мислите на многумина. Најсмртоносниот терористички напад во Америка во кој 3.000 луѓе го загубија својот живот кога два авиони се урнаа во Кулите близначки.
Низ годините, во јавноста се појавуваа многу слики од овој напад, меѓу нив многу направени на фотошоп.
Затоа е разбирливо да се појави скептичност кога некој ќе објави фотографија од тој немил настан.
Слично нешто се случило кога еден корисник на Редит поставил таква слика. На неа е прикажан дечко, а во позадината можело да се види една од Кулите близначки обвиена во дим , очигледно снимена недпосредно по нападот.
„ Се викам Остин Сансон и живеам на Менхетен, а ова е моја слика од 2001 година. Имав 4 години. За сите кои се прашуваат дали е лажна или не, за жал, може да ви речам дека е вистинска“, напишало детето на Редит.
Објаснил дека тоа утро мајката го сликала и случајно успеала да ја фати гледката неколку моменти по ударот на авионот. Во тој момент никој не знаел за што се работи.