(ФОТО) КОЈА Е ФЕДЕРИКА МОГЕРИНИ: Шефица за која велат дека е слаба на Москва а му дава поддршка на Заев

Добивај вести на Viber

Федерика Могерини моментално е висока претставничка за надворешна и безбедносна политика на ЕУ. Таа е голем поддржувач на Македонија за членство во Европската унија и досега неколку пати доаѓаше во Скопје.

Таа е италијанска политичарка родена во Рим, Италија на 16 јуни 1973 година.

Во 2014-та, на самитот на земјите на Европската унија во Брисел, избрана е на функцијата висока претставничка на Унијата за надворешна и безбедносна политика.

Оваа функција според Лисабонскиот договор е споена со функцијата потпретседателка на Европската комисија. Пред оваа фунцкија таа ја извршувала должноста министер за надворешни работи во владата на премиерот Матео Ренци.

По образование е дипломиран политиколг. Била стипендистка на Маршаловиот фонд а е омажена за Матео Ребезани и е мајка на две деца.

Противниците и замерувале дека е „премногу попустлива на политиката“ кон Москва, посебно и ја потенцираа изјавата дека гасоводот Јужен тек ќе биде изграден. Таа, според наведувањата на италијански меидуми, на тврдењата дека е „руски човек“ во ЕУ одговарала со насмевка, дека станува збор за „манипулација“ против Италија.

Сепак, она што е важно за Македонија е дека Могерини и дава силна поддршка на Владата на премерот Заев кога се работи за членството на земјава во унијата.

За време на вчерашното нејзино доаѓање во Скопје, уште еднаш ја сподели нејзината силна лична поддршка на патот на Македонија кон Европската Унија, и со тоа ги потврди сите напори нашата земја да го оствари тоа.