Фото од запленетиот кокаин: Бил спакуван во кутија со банани
Објавено во: Македонија 20 Февруари, 2020
Кокаинот кој бил најден во Крушопек бил сокриен во кутија со банани. ТВ21 објави ексклузивни фотографии од акцијата во која е запленета дрогата и е спречен канал на трговија со дрога.
Техничкиот министер за внатрешни работи Наќе Чулев вчера објави дека повеќе детали за акцијата ќе соопшти денеска.
„Ја информирам јавноста дека Министерството за внатрешни работи во овој момент презема широк спектар на оперативни мерки и активности. По насоки на јавен обвинител и по наредба на судија на претходна постапка се вршат претреси на подрачјето на село Крушопек во близина на Скопје поради недозволена трговија со дрога. Целиот капацитет на Министерството за внатрешни работи е ставен во заштита на граѓаните и безбедноста на државата. Помина времето кога високото раководство во МВР соработуваше и ги поддржуваше криминалните структури во државата, објави Чулев синоќа.