(ФОТО) Организиран Саем на традиционални производи „Домашно е, од Крушево е…“
Објавено во: Мои пари 27 Јули, 2015
Вчера Асоцијацијата за економско истражување, застапување и донесување економски политики Finance Think Скопје во партнерство со Општина Крушево, го организираше саемот на домашнии, традиционални и еколошки производи од Крушево „Домашно е, од Крушево е...“ во Крушево. Саемот свечено беше отворен во 12 часот од страна на Г-ѓа Валери Колби, одговорна на Секторот за односи со јавност од Амбасадата на САД во Македонија.
На саемот беа презентирани и дегустирани домашни, еколошки и традиционални производи од Крушево (домашни тестенини, еколошки џемови и слатка, сирупи и природни чаеви). Беше промовирано видео за економско јакнење на жените од Крушево и веб платформата www.odkrusevo.mk. Љубителите на кулинарството имаа можност да ги испробаат своите вештини во подготовка на крушевска пита, а останатите љубители на традиционалните вредности уживаа во манифестацијата Крушево Етно град.
Саемот е завршен настан од едногодишниот проект „Зајакнување на жените во Крушево преку мини здружување за продажба и промоција на традиционални производи„ поддржан од Амбасадата на САД во Скопје, чија цел е да се подобри животниот стандард и намали сиромаштијата на жените во Крушево.
Проектот е пилот модел на социјално претприемништво. Во проектот беа вклучени 25 невработени жени или жени со ниски примања. Активностите вклучуваа: јакнење на капацитетите преку обуки за промоција, пакување и продажба; брендирање на производите и обезбедување амбалажа; здружување; воспоставување канали за продажба и промоција на производите.
Можеби ќе ве интересира
Промоција на „Шарени ириси“ – новата хибридна инклузивна сликовница во издание на „Арс Ламина“
ЖИМ Коскоска се врати на тронот, ИМ Тони Лазов првпат до титулата
РЕС е најголем снабдувач со струја на слободниот пазар, објави Регулаторната комисија за енергетика
Проширување на хоризонтите за трговија и инвестиции: мисијата на WTCA во Европа и Западен Балкан
В НЕДЕЛА СИТЕ НА ВОДНО – ДАЛИ СТЕ ПОДГОТВЕНИ ЗА НАЈМАСОВНИОТ ПЛАНИНСКИ НАСТАН ВО РЕГИОНОТ „SPARKASSE LIFE ПРВ ДО ВРВ“?
Гранд Скопјe PRIME SPONSOR на овогодинешната Конференција за недвижности
Промотивен станбен кредит на Силк Роуд банка со фиксна каматна стапка за 10 години
Лирски почеток на „Видик“ со фузија на поемата „Коњски житија“ и боса нова ритамот на „Акварела“
БЕКУТАНОВА РАБОТИЛНИЦА ЗА РОДИТЕЛИ: Секој маж може да стане родител, но не може секој да биде ТАТО
