ФОТО: Пожар беснее во Уранополис на Халкидики
Објавено во: Балкан 22 Јули, 2016
Пожарот што денеска избувна во Уранополис на грчкиот полуостров Халкидики делумно е ставен под контрола, јавуваат грчките медиуми.
Противпожарната бригада се обидува да го изгасне пожарот, кој ја зафатил и боровата шума. Огнот е зад хотел „Аристотел“, но засега нема опасност тој да биде зафатен. Причините за пожарот сè уште не се познати, а засега не може ниту да се процени предизвиканата штета.
Пожарникарите продолжуваат да се борат со огнот. Во операцијата за гаснењето на пожарот учествуваат 17 противпожарни возила, 34 пожарникари, 22 војници, два авиона „канадер“ и два хеликоптера.