ФОТО: ПРЕТПРИЕМАЧКА ПРИКАЗНА: Како се води бизнис и на 65 години?
Објавено во: Економија 29 Август, 2016
Семејството Шеклер од Рудно основало етно ресторан и угостителско домаќинство уште во 90-те години на минатиот век.
После две и пол децении работа уште дочекуваат туристи од странство и домашни гости.
Глава на куќата е Милијана Шеклер, која е домаќинка, маркетинг менаџер и главна готвачка, иако има 65 години. Го држи семејството заедно и раководи со работата.
Оваа жена раскажува дека никогаш не работела во државна или приватна фирма, но кога децата пораснале и требала да ги образува, решила да работи нешто за себе.
„Кога почнавме со оваа работа немавме многу пари, но имавме добра волја и подготвени бевме да работиме. Тргна како што треба. Во далечната 1990 година го отворивме ресторанот „Бели багрем“ кој и денес работи, а со туризам почнавме случајно да се занимаваме. Една гостинка ме праша дали би сакала да ја примам во текот на годината да доаѓа да престојува кај мене и дека за тоа е подготвена да плати“ - раскажува Милијана за почетоците.
Така секоја година со свои средства вложувале во работата и напредувале чекор по чекор. Станале видливи на интернет и почнале да нудат се поквалитетни услуги.
Раскажува дека некои поголеми проблеми немало, освен во периодот на хиперинфлација кога она што денеска ќе заработеле утре не вредело. Тогаш динарите ги претворале во марки за да ја сочуваат заработката.
„Мој принцип на работа е да работам професионално. Го правам она што е потребно на мене, моето семејство и моите гости. Кога ќе тргнат да си одат задолжително земаат сирење, кајмак, џемови, слатко. Зборуваат дека е квалитетно и се враќаат по којзнае колку пати“ - вели Шеклер.
Таа не се жали на условите за водење бизнис и вели дека сама успеала да го прошири капацитетот.