(ФОТО – ВИДЕО) Топла крвава ноќ во Подгорица: Илјадници протестираа, повредени се полицајци и новинари

Добивај вести на Viber

Шестмина полицајци и двајца цивили се повредени за време на демонстрациите во главниот град на Црна Гора во неделата вечерта. Полицијата употребила и солзавец против демонстрантите. Во последните денови во главниот град на Црна Гора се разгореа протестите барајќи оставка на владата на Мило Ѓукановиќ, кој фактички управува со земјата над 20 години.

Според извештаите на полицијата повредени се петмина полицајци, еден полицаец добил осакатување, а еден од учесниците во протестот бил удрен со камен во главата, кој бил наменет за полицијата. Полесни повреди добие и на работното место уредничка во локалниот телевизиски канал „Pink M“, откако зградата била гаѓана со камења.

Полицијата уапсила еден од осомничените за нападот, кој е 36-годишен жител на Подгорица. Водечките медиуми во земјата, вклучувајќи ја и државната телевизија, соопштија за користење на солзавец од полицијата за да се расчисти протестот, но во официјалното соопштение на полицијата таквите информации недостасуваат.

Според зборовите на лидерот на Демократскиот фронт Андрија Мандиќ, „цела Црна Гора е дојдена во Подгорица“.

Според неофицијални податоци акцијата собрала неколку илјади учесници во протестот. Опозициските лидери, незадоволни од социо-економската ситуација во земјата, побараа од властите до следната сабота да се формира преодна влада, а ако барањето не биде исполнето, ветија нови масовни протести.

Како што пренесоа синоќа локалните медиуми моќни полициски сили спречиле демонстрантите да стигнат до зградата на црногорскиот парламент во центарот на главниот град Подгорица во ноќта наспроти неделата. При судирите помеѓу настраданите бил и пратеникот Небојша Медоиевиќ и заменик-претседателот на Народното собрание Бранко Радуловиќ. Тие поминале со полесни повреди. Центарот на градот беше целосно блокиран, а десетици излози на продавници биле уништени.

Приврзаниците на Демократскиот фронт се обиделе да го пробијат полицискиот кордон околу Парламентот, но полицијата употребила солзавец и демонстрантите се разбегале. Полицијата го блокира пристапот до сите државни институции во градот. По судирите демонстрантите се собрале пред седиштето на партијата Нова српска демократија, каде што нејзиниот лидер Бранко Радуловиќ ги повикал приврзаниците да се соберат во неделата вечерта во центарот на Подгорица.

Во саботата наутро црногорската полиција растури шатори на демонстрантите пред зградата на парламентот кои тамо седеле над 20 дена. Активностите на полицијата биле осудени од сите опозициските политички партии, како и од српската црква во Црна Гора.