Фотогалерија: Се отвори Сити мол, граѓаните примерно на шопинг, има попусти

Добивај вести на Viber

Од денеска почна со работа најголемиот шопинг центар во градот, познатиот Скопје Сити мол. Дел од граѓаните чекаа на отворањето, па уште денеска побрзаа да ги посетат некои од омилените продавници. Сепак нема турканици, туку е запазен редот кој го организира менаџментот на шопинг центарот во соработка со СВР Скопје. 

Од компанијата за Фактор велат дека се придружуваат на мерките и препораките. Пред да биде отворен била направена целосна дезинфекција на центарот, на вентилацијата, на банкоматите, однсоно се што има во молот. Тоалетите се реновирани, а набавени се и диспанзери, плус средства за дезинфекција.

„Направивме целосна дезинфекција, но тоа се прави и по неколку пати во денот. Се дезинфицираат кваките, оградите, тоалетите, системот за вентилација. Дополнително согласно препораките, има дезинфекција и посебни правила во секој дуќан. Во тоалетите кои се реновирани работи секоја втора чешма заради потребата од безбедно растојание. Секој кој доаѓа и влегува во Скопје Сити мол треба да носи маска, односно заштитна опрема. Првите два дена за тие кои немаат маска им ја обезбедуваме ние. Низ целиот трговски центар има обележани насоки за еднонасочно движење и јас апелирам да се почитуваат, вели Дамјан Корубин, маркетинг менаџер на Скопје Сити мол.

Корубин за Фактор вели дека и вработените во продавниците ги почитуваат сите правила и носат маски. 

Одделот за храна работи само за носење. 

Во дел од продавниците има попусти и акции. 

А.Т.