ФОТО+ВИДЕО: Ирачанка им ги сече главите на борците на ИСИС
Објавено во: Свет 30 Септември, 2016
Вахида Мохамед се бори против џихадистите на „Исламска држава“ со години.
Ирачката жена е страв и трепет за борците на „Исламска држава“, затоа што ги обезглавува и ги готви нивните глави.
„Молчете и смирете се – кратко им рече жената на вооружените мажи кои што беа застанати зад неа. Тие веднаш се смирија. Очигледно ја ужива нивната целосна почит и тоа не само затоа што во својата футрола има пиштол, 9 милиметарска Берета“- ја опишува средбата со 39-годишната Вахида Мохамед, новинарот на CNN.Оваа жена водела 70-тина мажи околу Ал-Ширкат, град сместен на осумдесетина километри јужно од Мосул. Таа и нејзините луѓе се дел од „племенската полиција“ која неодамна им помогна на владините сили да ги поразат џихадистите во нејзиниот град.
Во рурален Ирак женските борци се навистина реткост.
Џихадистите се обиделе да ја убијат многу пати, поставувајќи бомби во 2006-та, 2009-та, 2010-та и три бомби во 2013-та и 2014-та година. Нејзиниот прв сопруг починал во акција, по што таа се премажила, но и вториот нејзин сопруг е убиен од џихадистите. Тие го убиле и нејзиниот татко и тројцата браќа.
„Шест пати се обидоа да ме убијат“ - вели жената, додавајќи дека има шрапнели во главата и нозете и неколку скршени ребра.
Таа себеси се опишува како домаќинка, открива дека има две ќерки од 20 и 22 години кои што „се истренирани за борба“.