ФОТО+ВИДЕО: Судири меѓу мигранти и полицајци во Бугарија

Добивај вести на Viber

Повеќе од 24 полицајци се повредени, а 300 мигранти се уапсени по судирот меѓу бегалците и полицијата во најголемиот бугарски мигрантски камп Харманли, на границата со Турција. 

Во судирот учествувале околу 1.500 мигранти.

„Околу 300 мигранти, од кои шестмина се сметаат за закана по националната безбедност, се уапсени“ - вели бугарскиот премиер Бојко Борисов. 

Вели дека ситуација сега е под контрола.

Мигрантите, од кои повеќето Авганистанци, запалиле автомобилски гуми и со камења нападнале околу 250 полицајци, припадници на жандармеријата, како и пожарникари.

Портпаролката на локалната полициска управа Нина Николова, изјави дека мигрантите тоа го сториле во знак на протест затоа што неделава им бил воведен карантин за да се спречи епидемијата од шуга во кампот.

Социјалните мрежи се полни со говор на омраза. Се работи за млади мигранти кои се во кампот од 15 до 30 години, на кои е многу тешко да им се утврди идентитот. 

Во кампот се сместени околу 3.000 мигранти, додека во Бугарија има вкупно околу 13.000 бегалци, главно од Авганистан.