ФОТО+ВИДЕО: Ураганот Метју „коси“ во повеќе земји - има и жртви

Добивај вести на Viber

Седум лица загинаа на Хаити и во Доминиканската Република во ураганот Метју. 

Тој денеска се очекува да ја погоди и Куба. Жариштето на ураганот се движи кон источните делови на Куба со брзина на ветрот од 220 километри на час. Последниве неколку денови се евакуирани над 300.000 граѓани од загрозените источни подрачја, а во земјата е прогласена и вонредна состојба. Претходно Метју однесе најмалку три жртви и предизвика голема материјална штета во Хаити. Југот од земјата е целосно отсечен. Училиштата ќе останат затворени до понеделник, но претседателските и парламентарните избори закажани за в недела ќе се одржат. 

Метју ја зафати и Доминиканската Република, при што загинаа четири лица и беше нанесена штета на приближно 200 живеалишта, а 800 луѓе се евакуирани, соопштија локалните власти. Ураганот се движи и кон Бахамите, по што се очекува да се насочи кон САД. Властите во Јужна Каролина веќе спроведуваат евакуација на еден милион жители. Првично, гувернерот на таа сојузна држава , Ник Хејли воведе вонредна состојба. Вонредна состојба е прогласена и во одредени области во Џорџија и Северна Каролина, а се очекува истото да се случи и на Флорида.

Метју се смета за најразорниот ураган во областа на Карибите во последните 10 години.

#hurricane #Mathew stalled on Cape #Maisi extreme eastern #Cuba will be moving into southern #Bahamas this Wednesday ... pic.twitter.com/L43DPXKYGt

— Mario Picazo (@picazomario) October 5, 2016