Франција ја зема цела ЕУ како свој заложник, одбивајќи ги преговорите на Македонија и Албанија

Добивај вести на Viber

Тања Фајон смета дека Франција ја зела како заложник цела ЕУ, одбивајќи да ги отвори преговорите со Македонија и Албанија.

Европратеничката од Словенија и копретседавач на парламентарниот комитет за стабилизација и асоцијација на парламентот ЕУ и Србија вели дека процесот на Франција „не е славен момент за ЕУ“.

„Неколку пати се пожалив поради непочнатите преговори со Албанија и Северна Македонија. Франција цела ЕУ ја зеде како заложник“, рече Фајон во интервјуто за порталот Радиосараево.

Таа истакна дека европската интеграција на Западен Балкан „е и останува важна стратешка политика во наш заеднички интерес“.

Фајон ги повика водачите на ЕУ да разјаснат зошто не го исполнуваат ветувањето за почеток на разговорите за пристапување со  Македонија и Албанија, додавајќи дека „се тестира нивната заложба за европска интеграција во Западен Балкан“.

"Тоа посебно се однесува конкретно на Франција. Покрај Франција, кога станува збор за другите балкански земји, ги имаме и Холандија, Данска, Германија ...", рече таа.

На прашањето дали ставот на тие земји отвора простор за влијанието на другите - Русија, Турција, Кина на Западен Балкан, Фајон рече дека „ЕУ тоа сигурно го гледа“.

„Сега сме во ситуација кога сè уште чекаме на новата Европска комисија. Бевме, секако, многу јасни дека одговорноста за недонесување позитивна одлука не беше на земјите што со право се надеваа на позитивен исход. Тие го исполнија тоа што го ветија. ЕУ  е таа што не го исполни ветувањето заради внатрешни теми“, рече европратеникот.

На прашањето дали визите за граѓаните на ЕУ ќе бидат вратени во земјите од Западен Балкан, Фајон рече дека не верува дека ниту една земја на ЕУ ќе бара откажување од визата за која било земја од Западен Балкан, иако ЕУ има проблеми со бегалците и мигрантите , со Шенген, како и проблемот со внатрешните гранични контроли како резултат на пристигнување на нередовните мигранти.

„Како известувач за лиценца за безвизен режим за Косово, јас би сакала прво да биде усвоен, а потоа целиот Западен Балкан да има режим без визи“, додаде Фајон.

Одговарајќи на прашања за тоа што очекува од претседателството на Хрватска во ЕУ, таа рече дека Хрватска ќе преземе голема одговорност.