ФРАНЦУСКИ ПРЕХРАНБЕН СТАРТАП ПРВ ПОДНЕСЕ БАРАЊЕ ДО ЕК ЗА ПРОДАЖБА НА МЕСО ОД ЛАБОРАТОРИЈА - од 2026 би можело да го има и во ресторани

Добивај вести на Viber

Компанијата „Гурмеи“ со седиште во Париз соопшти дека поднела вкупно пет апликации пред излегувањето на пазарот за своите производи од патки засновани на клеточна култура - до властите за безбедност на храна во ЕУ, Швајцарија, Велика Британија, Сингапур и САД, пренесува „Еуроактив“.

Таа „нова храна“ би се користела за правење паштета, традиционално јадење во Франција кое е под зголемени критики поради грижата за благосостојбата на животните, според Политико.

По поднесувањето на апликацијата за ЕУ, започнува процес на евалуација од една и пол до две години, кој се состои од деветмесечна проценка на ризикот од страна на Европската управа за безбедност на храната, по што треба да следи процес на управување со ризик од седум месеци, за време на кој земјите од ЕУ гласаат со квалификувано мнозинство за тоа дали да се дозволи овој производ да биде одобрен.

Ако се биде во ред, производот ќе биде достапен за европските готвачи до 2026 година, а ќе се најде на полиците на супермаркетите во годините што доаѓаат.

Производството на ова јадење, кое е направено од надуен црн дроб на патка или гуска насилно нахранета, е забрането во 12 земји од ЕУ.

Одгледано или лабораториско месо се произведува со примерок од вистински животински клетки кои растат во средина богата со хранливи материи, формирајќи мускули, маснотии и сврзно ткиво.

Таквите производи обично користат серум од фетусот говеда, кој вклучува колење на кравата и нејзиниот ембрион, што ги прави етички проблематични за вегетаријанците и веганите.

Извор: Танјуг