Франција веќе не сака да го чува грбот на Британија
Објавено во: Свет 27 Јуни, 2016
Според гувернерот на регионот во кој се наоѓа градот Кале, по гласањето на референдумот билатералниот договор со Велика Британија не важи.
Французите немаат повеќе обврски, а Британците сами треба да си ги чуваат границите.
Франција може да почне слободно да ги пропушта мигрантите во Велика Британија. Овие теми се коментираат во британскиот печат. Повод е барањето на гувернерот на регионот во кој се наоѓа градот Кале. Ксавиер Бертран побара од претседателот Оланд да ја повлече блокадата на границата. Во Кале се собираат илјадници мигранти, кои се обидуваат да се качат на камионите кои патуваат за Англија и дури да преминат пеш по тунелот под Ла Манш.
Според Бертран по гласањето на референдумот билатералниот договор со Велика Британија не важи.
„Англичаните сакаа да си ја вратат слободата, а истото важи и за границата"- изјави Бертран.
Градоначалникот на Кале, Наташа Бушар исто така, побара од претседателот Оланд да ги промени правилата за бегалците по референдумот во Британија.
Британците треба да ги преземат последиците од својот избор, вели таа.