Гарапетритис по НАТО самитот: Власта во Северна Македонија систематски го крши Преспанскиот договор

Добивај вести на Viber

Министерот за надворешни работи на Грција, Јоргос Герапетритис, го истакна како што велит ој, систематското кршење на Договорот од Преспа од страна на новото раководство на Северна Македонија, во изјава објавена во неделното издание на весникот „Вима“, пренесува денеска АНА-МПА.

Коментирајќи го заклучокот од самитот на НАТО по повод 75-годишнината од формирањето на Алијансата во Вашингтон, Герапетритис рече дека грчката страна „нагласено го покренала прашањето за посветеноста на сите членки на НАТО на меѓународното право и меѓународните договори, кои се основа на глобалната безбедносна архитектура“.

Во тој контекст, тој особено се осврна на „обврската за строго придржување до Договорот од Преспа, чиешто јадро систематски го крши новото политичко и државно раководство на Северна Македонија“.

Министерот зборуваше и за улогата и придонесот на НАТО во заштитата на мирот и безбедноста во светот, како и за сопствената улога на Грција како столб на стабилноста во Источниот Медитеран и за зголемувањето на грчкиот „дипломатски капитал“ како резултат на надворешната политика.